Gyða segir fra

2007-04-02T01:02:00.000Z

..

Ímyndum okkur að strákur nái í mömmu sína úr vinnunni...eða kannski skutli ömmu sinni útí apótek. Hann leggur í stæði fyrir utan hjá viðkomandi og kannski flautar, jafnvel hringir og lætur vita að hann sé kominn. Mamma/amma kemur út og sest inn í bíl og saman bruna þau af stað á bíl með einkanúmerið ZÍANA!!!!

pæling..sá þetta einkanúmer síðast þegar ég fór á mínar kæru æskuslóðir Selfoss og ég veit ekki hvort það er bara ég eða fleiri sem sjá einstaklega smekklega merkingu út úr því...nema gaurinn eigi persneska læðu sem heitir ziana í höfuðið á egypskri drottningu?????????

2007-03-31T10:42:00.000Z

Ég var hálfsvekkt út í sjálfa mig seint í gærkvöldi þegar ég uppgötvaði það að ég missti af þættinum american inventor..ég sá nefnilega fyrsta þáttinn óvart með huldu og var búin að hlakka til að sjá meira. Skil bara ekki hvað það er endalaust hægt að finna upp á rugli til að sýna í sjónvarpi. Við sátum þarna tvær og göptum, vissum í raun ekki hvort við ættum að hlæja eða gráta eða bara yfirhöfuð hvernig viðbrögð við ættum að sýna..

Þarna var til dæmis fjölskyldufaðir sem ég í augnablikinu man ekki hvað heitir. Hann var afar stoltur af sjálfum sér, búinn að veðsetja húsið fyrir fullt af pening og ég veit ekki hvað en var þó viss um að uppfinning hans væri sú allra allra besta. Kvaðst hann mjög inspíreraður af fjölskyldunni, fallegu konunni og börnunum og hafði mörg falleg orð um þau hálfklökkur. Eftir að hafa lofsamað bandaríska fósturjörð og uppfinningu sína sem myndi vera þarfaþing í framtíðinni, eða breakthrough in history, svipti hann hulu af undraverðri uppfinningunni.....SKÓFLU!
(Ég og hulda tókum andköf í sófanum)
Þögnin var þrúgandi en dómararnir ákváðu að gefa honum séns sem betur fer því ég hlakka svo sannarlega til þegar ég get farið í hagkaup og keypt mér skóflu, enda aldrei séð annað eins undratæki á ævinni!!

2007-03-26T15:05:00.000Z

yes i´m gonna be a star

allavega gyða á daewoo því ég náði í ökuskírteinið mitt áðan!!! Ég stóð reyndar í þeirri meiningu að ég væri orðin lögleg á götum Íslands frá og með 27.mars en raunin var önnur.
Eftir langa bið í símanum þá svaraði vinsamleg rödd á skiptborði lögreglustöðvarinnar. Ég bar upp erindið (hvar á ég að sækja skírteinið á morgun?) og hún svaraði: "Þú ert búin að vera með bílpróf síðan 26.febrúar, viltu ekki bara drífa þig að ná í skírteinið" !!!!!!!!

Ég veit eiginlega ekki ennþá hvort ég á að hlæja eða gráta..greyið konan á skiptiborðinu, ég gargaði á hana í símann "ERTAÐ LJÚGA??" og fór svo beint og sótti dýrmætt ferðafrelsi mitt aftur. Ég gekk mas svo langt vera búin að skrifa í dagbókina mína 23 dagar í bílpróf, 14 dagar, 3 dagar osfrv...Misreikningurinn felst líklega í því að ökuníðingar hafa 30 daga til að skila inn skírteini en það er byrjað að telja frá því þeir eru teknir ef ég skil þetta rétt(sem er enn ein skjekkjan í ísl refsilöggjöfinni)

Það sem gerir þetta allt enn súrara er að ég lét plata mig í verkefni á vegum strætó sem fólst í því að telja farþega síðastliðnar 2 vikur og er því búin að hanga í strætó á öllum hugsanlegum tímum sólarhringsins og merkja við alla sem koma inn og fara út. Það var samt ekki nærri því eins hræðilegt og það hljómar því mér finnst svo gaman að skoða fólk og ég fékk alveg nóg að skoða;)

2007-03-01T16:05:00.000Z

Kæri netheimur...

Ég ofanrituð er loksins komin með nettengingu aðeins 7 árum eftir aldamót. Tel ég þetta heilmikið afrek þrátt fyrir að mér hafi augljóslega tekist að gera það á eins ópraktískan máta og hægt er..hmm. Fékk samt fína hjálp í gegnum síma hjá vinalegum gaur að nafni Egill sem sá um þetta allt fyrir mig (og hann er pottþétt á prósentum við að koma út eins mörgum tengingum og hann mögulega getur á hverjum degi).

En ég er líka komin m B.A gráðu í bókmenntafræði og orðin 25 ára, allt í sama mánuðinum jeij:) já og svo hef ég nýlega hafið sambúð með Elvis (geri aðrir betur) sem ég tel að hafi endurholdgast í dökkhærðum, bringuloðnum, rymjandi og sístækkandi leðurblökuketti...
Okkur líður vel saman. Ég gef honum mat og hann þvær mér um hárið á morgnana eða hjálpar til við að þvo fötin mín með því að sjúga þau í hálsmálinu. Hann er líka búinn að endurhanna nokkrar sokkabuxur og leggings með því að búa til falleg göt svo fætur mínir njóti sín betur í þeim.

Það eina sem okkur vantar hér í Bólstaðarhlíð er atvinnutækifæri eða e-r með spádómsgáfu sem getur sagt okkur hvað gerist næst..ég er officially orðin fullorðin hvað gerist núna???

2007-01-12T13:00:00.000Z

tölvunámskeið fyrir konur

Æji ég er orðin svoldið þreytt á þessum endaulausu kk/kvk skilyrðingum sem er endalaust verið að setja manni...Alveg eins og svona aulabrandarar, ,,hvað þarf margar konur til að skipta um ljósaperu?'' eða ,,Guð skapaði manninn því titrarar slá ekki blettinn'' hlæhlæ (eða þannig). Skil bara ekki alveg þennan kynjameting sem fólki finnst svo ofsalega gaman að velta sér upp úr. Það er ekki kynið heldur sálin sem gildir og vá hvað ég hef hitt jafn margar nautheimskar og almennt illa innrættar stelpur sem stráka, konur og karla líka.
Það stakk mig pínu að sjá auglýst tölvunámskeið bara fyrir konur þar sem fara á í grunnþætti almennrar tölvuvinnslu því ég hreinlega fullyrði að svoleiðis námskeið yrði seint í boði fyrir karlmenn. Af hverju leyfum við svona samfélagslegar alhæfingar??
Allir kk sem hafa áhuga á grunnþætti almennrar tölvuvinnslu eru vinsamlegast beðnir um að fletta mér upp í símaskrá og hafa samband og saman getum við komist til botns í því hvort það sé erfðafræðilegur galli ef kk kunna ekki á tölvur, eða hvort hér sé um hreina mismunun að ræða....nema þá að konur vilji læra á tölvu án þess að hafa kk nálægt og því sé verið að svara þeirri eftirspurn, hvað veit ég svo sem...

2006-12-10T21:55:00.000Z

búum til betri heim sameinumst hjálpum þeim

hvernig er það, verð ég betri manneskja með því að kaupa mér nýjan síma f jól og senda diskófriskó til 3.heimsríkjanna í Afríku?? Ég skil ekki alveg þessa auglýsingaherferð...ætla þau að borða símann minn? eða nota hann? og til hvers? hann verður batteríslaus e hálftíma..sendi ég þá hleðslutækið með?? Skil bara ekki hverskonar hjálparstarfsemi það er að henda símum í þá sem minna mega sín...asnalegt!!

STYÐJUM UNICEF!!

2006-10-25T16:02:00.000Z

takk fyrir mig airwaves!

Það er alltaf soldið erfitt að gera upp við sig svona hvað stendur uppúr, sérstaklega því ég sá svo margt ólíkt og skemmtilegt; hugsa ég sé mest ánægð með það að hafa hvergi staðið í röð nema í smástund og að ég hafi náð að sjá flest af því sem ég var búin að ákveða að sjá...jú og svo var líka svo rosalega gaman;)

2006-10-07T19:58:00.000Z

musclemania..

Menn með vöðva eru ofsalega vitlausir og lítið spennandi fólk. Þessu komst ég að í gær. Auðvitað get ég ekki alhæft svona en þarna hitti ég fyrir 6 vöðvamikla menn sem sýndu af sér þvílíka afburða heimsku að ég hugsa að ég sniðgangi vöðva á næstunni.

Ég fór semsagt m fjölskyldunni minni í hádegismat í gær. Á næsta borði sátu 5 vöðvar sem hlógu rosalega mikið og töluðu hátt. Ég á það til að vera dómhörð í garð annarra og var svona pínu pirruð yfir þessum hláturátroðningi á rólegar samræðurnar á mínu borði, en leiddi það hjá mér. Sjötti vöðvinn bættist við stuttu seinna og þá upphóft mikill bekkpressumetingur sem endaði með því að nr. 6 bretti upp ermarnar og fór að hnykla vöðvana með tilheyrandi setningum eins og ,,you wanna piece of me, huh!?" Þeir fengu svo matinn, en stelpan sem kom með hann var asísk. Einn vöðvinn leit á hana og sagði svo hátt og snjallt ,,Hey, vinur minn er búinn að vera að leita sér að konu á netinu heillengi, helduru að þú værir ekki bara til í að tékka á honum, hehehe" og svo hlógu þeir allir miklum stórkallahlátri.

Það sauð á mér og gerir eiginlega ennþá. Hef aldrei orðið vitni að annari eins vanvirðingu og niðurlægingu. Ég borðaði ca 4 bita og missti svo lystina því mér fannst ég hafa hálfsvikið greyið stelpuna með því að sitja þarna þegjandi og segja ekkert.

Vona að þeir kafni allir á næsta kreatínskammti, fávitar!

2006-10-01T20:42:00.000Z

Nowhere man

ég var stödd í strætóskýli um daginn. Með mér var maður, einn af ógæfumönnum borgarinnar. Hann sat á bekknum en ég stóð. Hann var í ræfilslegum fötum m skeggbrodda, fullur, en um leið svo góðlegur á svipinn. Ég stóð og var að skipuleggja daginn í huganum þegar maðurinn fer allt í einu að vesenast á bekknum. Upp úr vasanum dró hann upp kókosbollu í grænum nammipoka og stakk henni svo hálfri upp í sig.

Deginum var bjargað...skeggbroddarnir og hvítt kremið pössuðu svo vel við haustsólina en voru samt í svo rosalegu ósamræmi hvert við annað að ég gat ekki annað en hlegið inn í mér..

2006-09-24T19:30:00.000Z

Like a pen..

Eða meira eins og autt blað svona í byrjun annar. Fólk spyr mig á hverjum degi ,,ok, og hvað ætlaru svo að skrifa um, hjá hverjum og hvernig, hvaða áherslur og heimildir ætlaru að notast við og hvað svo??'' ,,Hvað svo???"

Af alkunnri og taugaveiklaðri ró svara ég lágt ,,ég veiteggi ennþá.." You know the drill, valkvíðaferli sem tekur enda líklega um næstu mánaðarmót þegar ákvörðun um B.A ritgerð liggur fyrir. Ég veit svosem alveg hvað ég ætla að gera...hugmyndirnar eru bra ennþá svona eins og sleipur fiskur sem sleppur alltaf burt..

ég tekst því á við mitt eigið eðli, fiskur syndir á eftir fisk

2006-08-22T20:58:00.000Z

Is it love is it coke..

Sko, á meðan fjölmiðlar fara hamförum vegna unglingadrykkju á menningarnótt og dópneysluhvetjandi tónlistarflutnings dr. mister & mr. handsome þá upplifi ég "sorann" annars staðar..nánar tiltekið í fossvoginum.
Ég og Íris ætluðum að anda að okkur fersku lofti í gærkvöldi og fara út að labba..í fossvoginum. Við lögðum bílnum á afskekkt, óupplýst bílastæði og vorum að labba af stað þegar bíll bakkar í áttina til okkar. Ég hélt að þetta væri svona "hey stelpur" gaur þannig að ég stoppaði ekki en Íris stoppaði því henni heyrðist gaurinn vera að biðja um eld. Hann reyndist hinsvegar vera betlandi spítt eða rítalín og var að vonast til að við gætum selt sér..

Þannig að...

2006-08-02T19:20:00.000Z

Roadkill

Það verður víst ekki annað sagt en að hér sé alltaf hægt að lesa um ófarir ungrar stúlku...

Í gær hjólaði ég heim úr vinnunni í sól og blíðu og var svona að velta því fyrir mér að fara í sund eða gera e-ð sniðugt í sólinni. Þegar ég á ca 15 sek eftir heim (bý ekki yfir formskynjun og þal ekki fjarlægðarskynjun heldur) þá keyrir kona í hvítum station bíl á mig og ég kastast á bílinn hennar með hjólið mitt í fanginu, hún snarbremsar og ég hendist af bílnum hennar og á götuna eins og sannri hasarhetju sæmir. Hjól og stúlka urðu eitt á götunni í furðulegum haug af útlimum, stýri og beygluðum gjörðum.
Hjólið mitt er ónýtt. Ég er öll marin og blá....Nei ég var ekki m hjálm, er ekki næg refsing að þurfa að fara allar sínar ferðir á hjóli! Læknanemi á bráðamóttöku fékk að þukla mig alla til að kanna hvort ég væri brotin..fékk líka tvær blóðnasir, semsagt tvisvar sama daginn.

Eins gott að Snorri gaf mér sumargjöf í gær, nýja diskinn m Hot Chip...

2006-06-16T19:45:00.000Z

...she´s sweet but I don´t wanna fall in love

ég þekki unga stúlku sem fékk sér kisu og tókst að kveikja í henni sama dag. Hún þurfti að klippa stóran lokk úr kvikindinu því það var allt útí kertavaxi í feldinum. Stelpan asnaðist líka til að keyra full og hefur núna misst prófið og þarf að borga mikinn pening...2 dögum seinna var hún tekin fyrir of hraðan akstur og borgaði mikinn pening fyrir það...Ég held að sumt fólk sé sett á jörðina svo öðrum geti liðið betur með eigin tilveru..

2006-05-17T20:49:00.000Z

I've seen love go by my doorIt's never been this close beforeNever been so easy or so slow.Been shooting in the dark too longWhen somethin's not right it's wrongYer gonna make me lonesome when you go.

Dragon clouds so high aboveI've only known careless love,It's always hit me from below.This time around it's more correctRight on target, so direct,Yer gonna make me lonesome when you go.

Purple clover, Queen Anne lace,Crimson hair across your face,You could make me cry if you don't know.Can't remember what I was thinkin' ofYou might be spoilin' me too much, love,Yer gonna make me lonesome when you go.

Flowers on the hillside, bloomin' crazy,Crickets talkin' back and forth in rhyme,Blue river runnin' slow and lazy,I could stay with you foreverAnd never realize the time.

Situations have ended sad,Relationships have all been bad.Mine've been like Verlaine's and Rimbaud.But there's no way I can compareAll those scenes to this affair,Yer gonna make me lonesome when you go.

Yer gonna make me wonder what I'm doin',Stayin' far behind without you.Yer gonna make me wonder what I'm sayin',Yer gonna make me give myself a good talkin' to.

I'll look for you in old Honolulu,San Francisco, Ashtabula,Yer gonna have to leave me now, I know.But I'll see you in the sky above,In the tall grass, in the ones I love,Yer gonna make me lonesome when you go.

...

2006-05-04T19:23:00.000Z

No fun..

Því ég var ekki á réttum stað í gær. Ég var heima á síðustu stundu að gera búningamöppu og ritgerð. Mín eina gleði var pespi max og mín stóra sorg var að hugsa um magavöðvana á Iggy Pop, snökt..Það verður kannski lagt á vogarskálarnar einhversstaðar í eilífðinni að ég var heima að læra en ekki í hafnarhúsinu að gera e-n óskunda... :(

2006-04-30T19:40:00.000Z

...

Ég hef ekkert á móti fermingum í sjálfu sér. Finnst bara fyndið hvað þessi stórmerkilega trúarlega athöfn er blásin upp í neyslusamfélaginu sem viðgengst hérna á Íslandi. Gjafirnar og brjálæðið í kringum þetta verða alltaf stærri og stærri á meðan kristilegt inntak í sálum Íslendinga minnkar...eða hvað?
Ferming staðfestir trú manns á Guð og samkvæmt kirkjunni sem við tilheyrum þá eigum við að hugsa um náungann og svona...hver gerir það sem er nýbúinn að fá psp, nýtt rúm og 200þúskall??

2006-04-28T19:43:00.000Z

I don´t want to work, I just want to sleep

Hef samt ekki yfir svo miklu að kvarta því eins og staðan er í dag þá er bara eitt próf eftir, ég er búin 3.maí, það eru 1345 kr. inni á kortinu mínu, það reddast því það eru að koma mánaðarmót, það eru 62 dagar þangað til Hróarskelda hefst, en þangað fer ég, ég keypti kjól í dag, og pils, og jakka, skammast mín...jújú smá, það verður líka gaman 6.maí..og líka kl 12:15 3.maí því þá verður fyrsti drykkur til heiðurs góðu sumri teygaður og ég hlakka svo til:)

2006-04-23T19:02:00.000Z

paint it black..

Það dimmir með reglulegu millibili yfir og gengur á með éljum úti..ég er fegin að vera inni í svörtu hangsfötunum mínum með svartan maskara síðan í gær niður á kinn. Síðan ég vaknaði hef ég innbyrt 4 kaffibolla, 2 kókglös og lakkrísrúllu; maginn hefur nóg að gera við að melta alla þessa dökkleitu fæðudrullu. Það er e-ð svart undir nöglinni á vinstri löngutöng...ég á ýmsar svartar syndir í farteskinu og þar á meðal ritgerðina sem þarf að vera búin fyrir miðnætti á morgun.

Þess vegna ætla ég að fá mér hvíta kisu...

2006-04-10T19:54:00.000Z

motherfuckers wanna get with me, lay with me, love with me...

Ég bíð spennt eftir nýrri plötu frá Peaches, ætlaði ekki að hætta að hlæja þegar ég las titlana á lögunum, t.d ,,tent in your pants" það er nefnilega staðreynd að það er til þónokkuð af þessum gaurum. Máli mínu til sönnunar ætla ég að segja ykkur sögu.

Nýlega var ég í iðnskólanum í pásu í búningasögu. Til að drepa tímann fór ég og fékk mér kaffi og rölti svo með það fram þar sem ég hitti huldu. Við sátum hinar rólegustu þangað til okkur verður skyndilega litið til hliðar á strákgrey sem situr við tölvu. Hann var e-ð svo kjánalegur greyið, allur samanhnipraður við skjáinn og það var ekki fyrr en við sáum skjáinn að við vissum af hverju; hann var í pásu og notaði hana til að skoða sílikonbrjóst.

Afleiðing: Tent in his pants!

2006-04-09T13:53:00.000Z

Að hlusta á Coldplay veldur heiladauða..þess vegna ætla ég að segja ykkur sögu sem ég heyrði í gær

Einu sinni voru tvær tyggjókúlur sem ákváðu að fara í bíó. Þegar þær voru komnar í bíóið varð annarri kúlunni skyndilega mál að pissa svo hún fór á klósettið. Inni á klósettinu heyrði tyggjókúlan snökt og hún varð svo forvitin að hún opnaði hurðina og rak þá augun í hangikjöt sem sat þar grátandi. ,,Af hverju ertu að gráta litla hangikjöt?" spurði tyggjókúlan varlega, hangikjötið leit þá upp og hálfveinaði: ,,Af því að ég kann ekki að hjóla!!"

2006-04-07T18:04:00.000Z

I don´t want what you want, I don´t feel what you feel..

Svo segir fólk mér að tilfinningar og raunheimur séu ekki einn og sami hlutur...ég leyfi mér að setja spurningarmerki við það. Kannski ég geti farið út úr sjálfri mér og skilið eftir svona hulstur sem fer í skólann og í vinnunna, kúkar, djammar og sefur á meðan my emotional self verður í felum inní geymslu þar sem skiptist á skin og skúrir...eða hvað??? Ég hugsa þess vegna er ég sagði Descartes..forsenda hugsunar er að finna ástæðu til að hugsa...er það ekki yfirleitt tilkomið vegna ákveðinnar tilfinningar...?

Það er allavega gleði í dag...ég er komin í páskafrí, ég keypti mér dót í dag, ég borðaði ferskan ananas, ég er með hellur í eyrunum og ljúfar minningar frá stórkostlegum tónleikum gærkvöldsins og ég þarf ekki að vinna um helgina!

2006-03-03T20:15:00.000Z

Bara af því það ert þú...

...Auður þá skal ég svara þessu klukkveseni þínu! Af hverju samt að búa til klukk með svona leiðindarspurningum það er örugglega öllum sama hvar ég hef búið og unnið um ævina! Væri ekki nær að fólk væri að komast að e-u spennandi????? ég myndi allavega gera það. En hér kemur það elsku hjartað mitt:

4 störf:
-þjónn á pizza 67 í hveragerði..staðurinn aldrei eins vinsæll og þá haha
-upplýsingafulltrúi fyrir upplýsingamiðstöð Árborgar...jám lengsta starfsheitið mitt
-næturvörður...entist í 3 vikur
-hei já ég kynnti einu sinni mackintosh, helv krakkaóféti allstaðar

4 bíómyndir: ...?
-CB4!!
-Detroit Rock City
-Godfather safnið..af því ég er að horfa á það um þessar mundir
-Sin City

4 staðir sem ég hef búið á:
-Osló
-Selfoss
-Reykjavík
-ekki orðnir fleiri ennþá...

4 sem ég hef heimsótt:
-Danmörk
-England
-Spánn
-Noregur

4 síður sem ég skoða daglega:
Ekki daglega því ég er ekki m netið en
-hi.is
-roskilde-festival.dk
-einkabankinn
-ogvodafone.is...ókeypis sms;)

4 gott að éta:
-epli
-ristað brauð m gúrku
-green curry súpan hennar röggu
-SÚKKULAÐIRÚSÍNUR

4 staðir þar sem ég vildi vera núna:
-heima að kúra
-í sól..
-að fá afhent fullt af peningum sem ég vann í víkingalottó
-í einkasundlauginni minni um nótt með fullt tungl:)

4 sjónvarpsþættir:
-the o.c
-my name is earl
...annað er ekki eins merkilegt finnst mér

2006-02-17T19:38:00.000Z

Love is in the air..

Á valentínusardaginn sá ég vin minn nágrannann með stelpu þar sem þau voru að setjast saman inn í bíl þegar ég var að koma heim úr skólanum. Síðan þá hef ég ekkert heyrt frá honum, engin undarleg hljóð og dásamleg kyrrð :)

2006-02-04T19:39:00.000Z

Fólk er fífl!

Töff hjá DV að hafa það sem forsíðuefni: ,,Barátta milli Silvíu NÓTTAR og Birgittu".....held við getum flest verið sammála um það að það hefði átt að standa NÆTUR...

2006-02-02T12:44:00.000Z

á ég að tala um umburðarlyndi..

Ég bókstaflega hata það stundum að geta ekki fengið að vera í friði heima hjá mér! Á stúdentagörðum er það bara ekki alltaf hægt..Eins og í gær. Gaurinn sem býr við hliðina á mér er fáviti sem öskrar á sjónvarpið sitt, gargar yfir íþróttaleikjum og syngur líka hvatningarlög..og nei ég er ekki að ýkja það!!! Hann á það líka til að öskra bara svona allt í einu, nokkurs konar frumöskur örugglega tilkomin af velgengni í tölvuleikjum. Í gærkvöldi vakti hann mig tvisvar, fyrst með því að öskra: ,,fokking drasl" og síðan með því að skella svalahurðinni sinni svo fast að ég hélt hann hefði brotið e-ð....Annaðhvort þarf maðurinn nauðsynlega að fara að stunda kynlíf eða þá fara á anger management námskeið því þetta er ekki heilbrigð hegðun!! Ég hef tvisvar lent í því að labba fyrir aftan hann útí búð og í bæði skiptin gekk hann álútur með kreppta hnefa og horfði í gegnum augabrúnirnar sínar....þetta er gangandi tímasprengja!

Ég á samt fleiri pirrandi nágranna. Gaurinn sem býr fyrir ofan mig pissar alltaf í miðja klósettskálina þannig að ég heyri það ALLTAF þegar hann pissar...það er frekar pínlegt allt saman.
Parið við hliðina á mér hlustar oft á genesis og michael bolton...og það heyrist stundum í þeim þegar...
Og svo var bíllinn minn skreyttur eftir síðustu helgi, búið að raða 3 bjórdósum ofan á hann..

...og á stúdentagörðum búa verðandi gáfumenni og snillingar sem erfa munu landið

2006-01-21T19:53:00.000Z

people are fragile things u should know by now..

Hvað myndi gerast ef Unnur Birna væri með eins þátt og Óli þarna hr. Ísland?? Það yrði allt vitlaust og hún yrði úthrópuð athyglissjúk gæra..eða það er ég allavega alveg viss um. Var heima í gær og horfði á þennan ógeðis Splash þátt, ojjojojojjjj! Þarna voru tveir bræður ,,heltanaðir" og frekar sveittir að reyna að babla sig í gegnum þáttinn, hálfstjarfir af drykkju. Inni á milli aulabrandara (sem voru teknir upp í limmósíu með leysigeislum) þá mátti sjá svona innskot af e-m pjöllum í ugly nærfötum dansandi hálf aumkunarverða erótíska dansa, ekki í takt við tónlistina.

Ég fór þessvegna að pæla í þessum hr. og ungfrú Íslands reglum...ungfrú Ísland má næstum ekki neitt en það á greinlega ekki við um hr. Ísland. Ég var eiginlega bara pínu hissa...bjóst frekar við því að maður sem gegndi jafn mikilvægu embætti væri frekar í world class að æfa til að geta tekið þátt í fl fegurðarkeppnum fyrir Íslands hönd í staðinn fyrir að djamma m ruslgellum í beinni útsendingu...

En hvað veit ég svosem..

2006-01-19T01:06:00.000Z

maybe someday..

Ég á mér hreinlega ekki líf þessa daga. Skólinn fór af stað með e-ð svo miklum látum að ég er strax komin m leshrúgu og teiknihrúgu og ekki farin að gera neitt :/ Þegar ég horfi á þessa tvo bunka kemur yfir mig hræðileg leti sem sogar mig undir sæng og ég nenni engu...nema lúlla

Mér tókst samt að fara í vísindaferð síðasta föstudag:) +partý +partý +bar 11 vei! Það var stuð, svo mikið að ég varð alltíeinu ein eftir og langaði ekki heim...allir aðrir týndir, dánir, farnir, fótbrotnir, veikir...enda fös 13. og líka fullt tungl!! Þannig að ég fór í bjórvotan leðurjakkann minn og labbaði næstum því heim í 90 stiga frosti..þangað til leigubílstjóri sá aumur á mér og tók mig uppí. Nefið mitt er ennþá kalt!

Fékk tvö skróp í morgun í búningasögu fyrir að sofa yfir mig...þetta byrjar vel;)

2006-01-16T12:53:00.000Z

Ekkkkki reyna að segja mér að þú lesir ekki DV?

Sumt fólk virðist lifa í e-m blekkingarheim um að það sé e-ð skárren aðrir og það fer geðveikt í taugarnar á mér. Í kjölfarið á allri slæmri umfjöllun um DV þá heyri ég aðra hverja manneskju lýsa því yfir (m hægri hönd á hjartastað) að hún lesi sko aldrei DV því umrætt blað sé rusl og innihaldi þvílíkan rógburð að það hálfa væri nóg...Ég ætla ekkert að neita því en þó blaðið sé rusl, og þess þá heldur kannski, þá lesa það ALLIR! Sama á við um séð&heyrt og hér&nú...Í hvert einasta skipti sem ég fer í 10-11 þá stendur e-r þar m bunka af þessum blöðum fyrir framan sig og er að skoða. Blöðin liggja frammi á öllum biðstofum, á hárgreiðslustofum, kaffihúsum líkamsræktarstöðvum og á ansi mörgum kaffistofum...og alltaf þegar ég er á umræddum stöðum þá er e-r að lesa!! Sættum okkur bara við það að manneskjan er í eðli sínu slæg vera sem hefur lúmskt gaman af fréttum og slúðri um aðra. Og það þýðir ekkert að þræta fyrir svona hluti því þetta er bara innbyggt í mannlegt eðli!

Mér finnst líka margir þræta fyrir þetta með því að segjast bara lesa erlend slúðurblöð því þessi íslensku séu svo ómerkileg að þau séu alltaf að skíta út stjörnurnar ,,okkar"...hmmm frekar mikil þversögn!! Eins og þarna Bubba málið og fréttin um framhjáhaldið. Auðvitað er þetta ljót frétt og ég finn mikið til með fjölskyldu þeirra að lenda í þessu, en það þýðir samt ekkert að hneykslast á henni og sjúga svo á sama tíma í sig allt sem stendur í Hello um það hvernig Brad Pitt heldur framhjá Jennifer Aniston.

Bleh...ekki reyna að vera e-ð annað en þið eruð!!

2006-01-10T16:41:00.000Z

smá breyting..
sem ég gerði alein og upp á eigin spýtur..geri aðrir betur þar sem ég bjó ekki einusinni til þessa bloggsíðu upphaflega! Anna sæta gerði hana fyrir mig svo hún gæti fylgst með því sem væri að gerast;)

Jám...hafa fleiri en ég tekið eftir því að til eru karlmenn á Íslandi sem ganga með svona litlar og hvítar, asnalegar næstum kollhúfuhúfur???????? Og er e-r sammála mér um hvað það sé ljótt!!!!!!!!!!!!!!!! oj ég hélt ég myndi gubba áðan þegar ég sá einu svona fyrirbrigði bregða fyrir...hvað fær ykkur, strákar mínir, til að fara út svona? Hún nær ekki einu sinni niður fyrir eyru og er því ekki hægt að bregða fyrir sig neinum skjólrökum.
Ég er svona að spá hvort e-r hafi talið þeim trú um að hvíti liturinn drægi betur fram hvítar tennur, skær augun eða frískaði uppá húðlitinn...og svona til að leiðrétta þann leiða misskilning þá gera húfurnar það ekki, þær eru hinsvegar fín leið til að pikka út fórnarlömb tískuslysa því hvítir kollarnir eru ansi áberandi svona í skammdeginu

2006-01-09T00:09:00.000Z

Það var sooo gaman í gær á tónleikunum!!!! vávává:)

2006-01-03T18:11:00.000Z

agressíf og íhaldssöm!

Svo segir feng shui spáin mín fyrir næsta ár...(klór í haus) ég á svoldið erfitt með að trúa þessu upp á mig, eða hvað?????
Það stóð líka að ég ætti bara 6 alvöru vinkonur og að það myndi koma í ljós hver væri hinn eini rétti!! ansi dramatísk spá hér á ferð...

af hverju er samt hægt að fá feng shui stjörnuspá, hélt það væri meira svona innanhúsarkitektakrapp fyrir fólkið í design rules??

Anyways...
Ég spilaði trivial á gamlárs og drakk screwdriver úr blikkandi partýglasi í pallíettubuxum. Mikill glamúr en ekkert djamm. Deildi svo rúmi með labbikallinum (eins og snorri kallar hann) sem mataður var á úrvalstónlist eins og Bloodflowers m Cure, Ratatat og Mars Volta. Ég er ekki eins hrifin af Funeral m Arcade Fire..held hann þurfi að meltast betur.

Gleðilegt ár öll xxx

2005-12-26T11:05:00.000Z

heihei

E-staðar heyrði ég að ef hægt er að halda blýanti föstum undir brjóstunum á sér þá er viðkomandi kominn með lafandi túttur!...bara svona láta ykkur vita í tilefni þess að enn eitt árið er að koma, and we aren´t gettin any younger ;)

Jám...Annars elska ég jólin og allt þeim viðkomandi...það er samt spurning hve lengi þetta letilíf á að endast, er alveg farið að langa að gera e-ð sniðugt, blikk blikk

2005-12-20T16:28:00.000Z

já og anna mín...þú minnir mig helst á lítinn kiðling, ofsalega fíngerð m fallegu útlimina þína, en alltaf á stökki á milli staða því það er svo mikið að gera hjá þér:)

2005-12-20T16:15:00.000Z

Hei ég ætla að vera með í rosa sniðugum leik!

Þetta eru spurningarnar:

1. Ég segi þér eitthvað handahófskennt um þig

2. Ég segi þér hvaða lag/mynd minnir mig á þig

3. Ég segi þér eitthvað sem meikar bara sens fyrir mig og þig

4. Ég segi þér fyrstu ljósu minninguna mína af þér

5. Ég segi þér á hvaða dýr þú minnir mig á

6. Ég spyr þig að einhverju sem ég hef velt lengi fyrir mér um þig

7. Ef þú lest þetta þá verðuru að setja þetta á bloggið þitt!

og síðan þá segið þið það í kommentin ef ég á að svara...allavega þetta sagði Anna sæta um mig:

1) Þú ert yndisleg!!
2) Sorry en ég hugsa alltaf um þig þegar ég heyri Love will tear us apart með Joy Division...minnir mig bara á góða dans tíma sem við áttum forðum daga
3) Unicorn!!! Tvíburar!! og svo endalaust meira....hehehe
4) Fyrsta minningin er frá Selfossi, þú örugglega nýflutt að leika við Jónínu með kringlótt gleraugu og fallega rauða hárið þitt
5) þú minnir mig vitanlega á kisuling
6) Mig langar að spyrja þig hvað þú ert með marga klukkutíma í sólahringnum???
7) N+u þú á þinni síðu!!

haha Anna þú ert sniðug;)...og ekki sú fyrsta sem manst e mér og love will tear us apart..guð minn góður!
Þetta finnst mér um þig:

1)Ég hef alltaf getað treyst þér fyrir ÖLLU no matter what!!
2)sko...ég verð að segja Luftgítar með Johnny Triumph, það rokkar enginn eins og Anna í luftgítar ;) já og Aisha m Death in Vegas og Iggy Pop, það var stuð í litla tryllitækinu þínu, sérstaklega þegar við festum okkur í skafli á leið til skómsmiðs og sönnuðum hvað við værum máttugar meyjar. (má ekki annars segja tvö lög?)
3)Hoooojjjj ka´segiru????
4)Einu sinni hélt mamma að þú værir ég að labba nauthagann heim úr skólanum...og ég fór að njósna um hver þú værir. Held það hafi verið þegar þú varst í 8.bekk og ég þekkti þig ekkert. Og fyndið þú varst líka m rautt hár...og gleraugu :)
5)Anna, af hverju ekki kók? í alvöru talað??

2005-12-19T18:30:00.000Z

Blessuð jólin

Ég er skyndilega farin að sjá það fyrir mér hvernig það verður að komast í jólafrí...ég er farin að krafsa uppúr glósu og heimildahrúgunni sem hefur fylgt mér undanfarið og held ég nái kannski bara að klára þetta á réttum tíma :) Það eru allavega komnar 2 bls af 10 í ritgerðinni sem ég þarf að klára fyrir 5 á morgun...

krossum putta

2005-12-18T15:38:00.000Z

get ekki haldið í mér lengur!!!!!

Ég var búin að lofa sjálfri mér því að hafa enga skoðun á ísl bachelornum en þetta er búið að ganga yfir mig í bylgjum og ég bara get ekki haldið í mér lengur!!!!
Hversu ömurlegur var þessi lokaþáttur ég á nú bara ekki orð. Skil ekki hvað er að þessum gellum að sitja þarna allar í röð hjá Sirrý þykjast vera æðislega töff gellur að ætla að sko að gera gaurinn kjaftstopp þarna í beinni en koma svo auðvitað út eins og bitrar, grenjandi aumkunarverðar gellur í staðinn! Hann valdi ekki ykkur, deal with it!

Ekki það að bachelorinn sjálfur sé í neinu sérstöku uppáhaldi hjá mér, búinn að lifa í vellystingum útá það eitt að geta reynt við stelpur í sjónvarpinu og eytt í það peningum eins og mofo á meðan börn svelta í heiminum og ísl fjölskyldur geta varla haldið jól saman...

Og til hvers er þetta allt saman?? Það er ekkert raunverulegt við það að deila strák m 20 gellum og fara á rúntinn í limmu eftir að hafa verið gerð sæt af hárgreiðslumeisturum og mac förðunarpíum. Svo ég tali nú ekki um það að leika sér að tilfinningum fólks. Er ekki markmiðið m þessu að ná eins mörgum emotional outbursts eins og hægt er og endursýna það svo milljón sinnum? Sá allavega einu sinni auglýsingu fyrir þennan blessaða þátt þar sem það var sýnt í slowmo þegar ein gellan stóð grenjandi eins og fáviti og fór svo að taka utanum alla eins og hún ætti lífið að leysa....

Anyways..bachelor ekki fyrir mig, væri frekar til í að horfa á best of Allt í drasli

2005-12-11T19:51:00.000Z

ERU FEITAR KONUR ÉTNAR??

Jájá þið megið túlka þetta að vild en þetta er uppáhaldssetningin mín:) Sniðugt með svona setningar, þær breyta algjörlega um merkingu eftir því hvert samhengið er...

Annars segi ég bara heimapróf, ritgerð, ritgerð...og alltaf gaman að því þegar þessu fylgir kvef, hálsbólga, hiti, raddbönd sem týnast, 5 daga pest, hor, tissjú og klósettpappír, endajaxlar að brjótast í gegnum tannholdið (já ég er 23ja og ennþá að taka tennur), annað fólk sem vill djamma því það er búið í prófum (garg), vinna, jólahreingerningar, skortur á mat í ísskáp, bilaður bíll og bad hair day!!!!!!!!!!
Ég á að það til að verða eins og svona snjóbolti sem rúllar ef það er mikið að gera hjá mér; þá fer ALLT í vaskinn.

Staðan í dag er þannig að ég get talað (vei) en ekki ennþá andað. Ég er að vinna en á að vera að læra, ég veit hver miss world er því ég sá það frekar en svara spurningum í femínískum bókmenntarannsóknum, er líka fróðari um typpastærðir sem vinkonur mínar hafa séð eftir að hafa frekar talað um það heldur en að læra, allt snýtubréf er búið og ég nennti ekki útí búð heldur snýtti mér í skærbleikar servíettur og endaði á að fara m ansi bleikt nef í vinnunna :/

...Why me!!!??

2005-11-13T20:32:00.000Z

sommerfuglene

Tékkið á því lagi, búið að vera uppáhaldsvondalagið mitt í lengri tíma :)

Gott að hlusta á það til að koma sér í gott skap ef t.d bíllinn þinn bilar AFTUR, eða þá ef það er mikið að gera í skólanum (2 ritg og 2 hópverk), eða ef skítanágrannarnir þínir eru weird fólk sem hlustar á michael bolton (veit samt að íris öfundar mig því hún var svo skotin í bolton, hahaha)...

Allavega glötuð helgi liðin og ennþá betri framundan...deep jimi útgáfutónleikar á lau, vííí

2005-11-07T11:17:00.000Z

jólalög

Þrátt fyrir allt mitt umburðalyndi þá get ég nú ekki orða bundist ég var að komast að dálitlu sem fer rosalega í taugarnar á mér! Ég var að skoða fréttablaðið og sá þá frétt þar sem segir að kóngurinn Einar Bárðar hyggist stefna saman öllum helstu poppstjörnum landsins og búa til jólaplötu þar sem gömul lög verða sett í nýjan búning og fneh..
Sko ég hef ekkert á móti þarna jónsa og birgittu og nylon en geta þau ekki bara sungið sín eigin jólalög?? Mér finnst æðislegt að heyra gömlu lögin, þau eru búin að fylgja mér síðan ég var krakki og ég nenni bara ekki að fara að heyra þau "poppuð upp" m e-m fáránlegum hljómborðstakti og britney spears stunum. Sorrý!

2005-11-04T19:15:00.000Z

Í nafni föður sonar og heilags anda..We bring u ELVIS

Í tilefni þess að ventoinn minn kæri komst heill úr viðgerð (m lágmarkskostnaði), fær vetrardekk á morgun og er með allt sem þarf til að komast í gegnum skoðun þá ákvað ég að gefa honum nafn. Hann hefur verið skírður ELVIS. Við héldum tvö saman á friðsælan stað þar sem ég sprautaði yfir hann úr kampavínsflösku og hlustaði á Heart of Glass m Blondie á meðan. Þeir fáu fuglar sem ekki eru horfnir til heitari landa tóku undir með okkur og sólin skein skært..þetta var yndislegt :)

Frábiðjum okkur allar gjafir en biðjum ykkur í stað þess að leggja fé í sjóð sem stofnaður verður um að fá hita í hringveginn fyrir árið 2016 svo útrýma megi allri hálku!

Önnur verkefni helgarinnar kalla á rauða hælaskó og massífa augnmálningu, jamm það er FEMMES FATALES saumaklúbbur og hann verður mas haldinn á selfossi. Auður er næst í röðinni en ég treysti henni fullkomlega til að sitja við stjórnvölinn á morgun og hafa hemil á okkur hinum;)
Með minni heppni þá kemst ég kannski á pakkhúsið að hlusta á "fiskinn minn, namminamminamm" eins og gerist alltaf ef ég læt sjá mig þar!! Það verður samt forvitnilegt því Ragga stakk uppá svo skemmtilegum drykkjuleik ef við myndum lenda í þeim aðstæðum...

Rock on FEMMES FATALES!

2005-10-30T19:52:00.000Z

Some of these days you´ll miss me honey..

Jahérna, ég bloggaði helling í gær í vinnunni og það hvarf allt! Helv blogg drasl, og ér ekki einu sinni m gestabók eða myndir eða neitt á meðan til er fólk sem virkilega leggur líf og sál í það að leyfa hverjum sem er að fylgjast með sér á netinu;) Verð að fara að standa mig betur í þessu...ég hef það bara í huganum sem ég skrifaði nenni ekki að skrifa aftur um airwaves (full í röð lýsir því vel!)

Annars lítið skeð. Í gær var ég í pels og drakk bjór. Ætlaði út þangað til mér tókst að detta í hálkunni á leiðinni yfir til Írisar. Það dró úr mér og ég endaði bara á að labba aftur heim og kúra undir sæng. Efast ekki um að Íris hafi staðið sig vel fyrir hönd okkar beggja ;)

Annars hangi ég bara núna í vinnunni. Vorkenni þessu gamla fólki sem ég er að fylgjast með. Tannlaust og man ekki neitt, með bleyjur í þokkabót! Með fullri virðingu fyrir þeim (og það eru sko margir hérna sem mér þykir rosa vænt um) en þá langar mig ekkert til að verða gömul. Og það eru núþegar bara 28 ár þangað til ég verð fimmtug :/

sjitt!

2005-10-29T19:42:00.000Z

..if you tolerate this then your children will be next

Þetta helv lag er búið að hertaka mig, ég er andsetin og dettur ekkert lengur í hug en þessi tiltekna lína. Ástandið hefur verið svona í næstum viku og engin lausn í sjónmáli!!! Ef e-r getur veitt aðstoð þá væri hún vel þegin, ég er að verða geðveik!!!!!!

En..

Airwaves. Verður mar ekki að tala um það. Ég fór og það var gaman þangað til á laugardaginn þegar ég fór í biðröðina á nasa m huldu sem var alveg glatað! Við gáfumst upp eftir 2 og hálfan tíma held ég..búin að pirra mig á því og nenni þessvegna ekki að tala um það meir.
Það sem stendur hinsvegar uppúr finnst mér vera singapore sling, jáp og juliette lewis mínus tónlistin samt (hún fær prik fyrir að vera flott).
Laugardagskvöldið fór meira í það að drekka vodka þangað til ég var orðin dofin í munninum... Ég gat kallað fram minningar um jan mayen, úlpu og ampop og the zutons (sem ekki var spennandi).

2005-10-15T19:38:00.000Z

Jæja..

1 skilaboð:

Miðaldra kk á amerískum jeppum, drullist á e-ð offroad svæði og fáið úr honum þar við að tæta upp náttúruna í stað þess að hanga aftan í rassgatinu á mér þegar ég er að keyra!!!!

2005-09-25T14:20:00.000Z

these games we play...

Jám, ég var "klukkuð" af henni lenu :) lena mín það tók mig smá tíma að fatta hvað þetta djö klukk væri, hélt þú værir bara svona funny að segja klukk við mig, hehehe

1. Ég er Gyða og orðin 23ja, óviss um framtíð nútíð og fortíð en hef það oftast ágætt sem single fiskur í hamingjuleit.

2. Ég er að safna hári (á hausnum) og skóm. Það er bæði tímafrekt og dýrt áhugamál.

3. Ég átti aldrei buffalo skó þó ég sé frá selfossi en ég hef átt þónokkur ljósakort. Árangur hefur þó látið á sér standa því ég fæ yfirleitt bara freknur og bleikar rasskinnar.

4. Stundum er ég dómhörð og ofurpirruð, stundum glöð og kát, stundum hata ég allan heiminn og stundum fæ ég ekki nóg af lífinu...markmiðið er að upplifa sem flestar tilfinningar á einum degi og ráða við það!!

5. Ég myndi deyja ef ekki væri til: tónlist, coke light, blingbling, smirnoff vodki m klökum og vatni og mynd sem heitir kevin & perry go large, hahaha :) ..já og fólkið sem ég elska auðvitað!

2005-09-25T14:02:00.000Z

EF ÞIÐ SJÁIÐ APPELSÍNUGULAN FLOTTAN SKÓ ÞÁ Á ÉG HANN, TAKK!!

Ég splæsti í airwaves miða í vikunni og ég er farin að hlakka til. Það verður geðveikt að sjá juliette lewis, úff hún er svo flott!!! Já og allt hitt líka, ég er samt ekkert að missa mig yfir babyshambles eins og svo margir aðrir því ég hef voða litla trú á þeim, en það má alltaf afsanna það :)

Í gær mættum ég og halla gaur með gítar á bakinu og sólgleraugu á nefinu. "Stelpur, er ég ekki alveg eins og tónlistarmaður??" sagði hann. Ég velti því fyrir mér eftirá hvað það hlýtur að vera mikið til af fólki sem gengur svona um götur hlaðið e-u sem það er svo kannski ekki. Fyndið samt að búa sér til svona stöðutákn, við gerðum geðveikt grín að þessu, sérstaklega þar sem halla hélt á nótnablöðunum sínum, hún hefði getað boðið honum að taka einn dúett!

Sumir eru kannski bara svo töff að þeir labba alltaf með gítar á bakinu, hvað veit ég..

2005-09-21T19:02:00.000Z

jaasvei..

Djöfull sýndum við Íris á okkur góðar hliðar um helgina!!
Niðrí bæ blindfullar að bjarga fólki í ástarsorg. Fundum einn gaur sem lá grenjandi á barnum á 22 og einblíndi á giftingahringinn sinn. "Hún yfirgaf mig" sagði hann og afsannaði þar með fyrri blogg þar sem ég hélt að konur væru alltaf yfirgefnar..konur eru greinilega líka yfirgefarar! Greyið var frá e-m firði útí rassgati og við aumkuðum okkur yfir hann þvílíkt lengi...
...En að sjálfsögðu kom það í ljós að hann bjó EINU SINNI í þessum firði fyrir langa löngu og jú, svo var hann líka bara þegar upp er staðið að reyna við okkur! Þannig að hér var ekki neinn ástarsorgarsveitamaður heldur bara hardcore gaur með allar klær úti til að ná sér í gellur...er svona að spá samt hvort hringurinn sé alvöru eða bara partur af veiðigallanum????????

Allavega við stungum hann af og héldum á vit annarra ævintýra....og skemmtum okkur vel ;) like always

Það kom mér samt á óvart hvað við vorum sætar í okkur þó ég segi sjálf frá:)

Get samt ekki sagt að ég sé saklaus af svona fylliríislygum, ónei...en ég hef samt aldrei verið gift!

2005-09-16T19:22:00.000Z

Bad hair day...

í dag útaf allri rigningunni! Ég skrópaði í prófi í AHL-123 en vaknaði hálfníu m samviskubit og fór á fætur.
Það sem hélt mér vakandi voru femínísku bókmenntarannskóknirnar hennar helgu kress. ekki að kenningarnar séu alltaf uppörvandi: "konur eru á endanum alltaf yfirgefnar!!" en það er gaman að þessu samt.

Er að spá í að drekka mig fulla á eftir og slaga e-ð niðrí bæ með Írisi...við erum svo yfirgefnar ;)

2005-09-04T17:03:00.000Z

....

Ég veit varla hvað skal segja ég er enn að jafna mig síðan í gær...Auður átti ammæli og í tilefni þess brunaði ég á selfoss e vinnu til að hitta hana og huldu og gera e-ð sniðugt.
Niðurstaða: Pakkhúsið þar sem óheyrilega leiðinlegt band hélt uppi "stuðinu"
Stuðið: Gaur á typpinu! Feitur kall að gera nr2 á kvkklóstinu! Playlisti sem olli því að ég velti því fyrir mér á tímabili hvernig mér tækist að kafna í eigin ælu! Sleazy og ljótar gellur káfandi á gröðum gaurum!!! And the list goes on and on...

Og aumingja elskan mín hún auður að eiga afmæli á þessum degi! Ef ég gæti e-u breytt í mínu lífi þá myndi ég þurrka þetta kvöld úr minningunni!

Ég get þó huggað mig við það að í gær sá ég fólk haga sér á svo ótrúlegan hátt að ég efast um að mér takist að halda andlitinu næst þegar ég hitti viðkomandi aðila á förnum vegi.....og hláturinn lengir lífið ;)

2005-08-31T16:50:00.000Z

Sælinú..

Í ljósi síðustu kommenta hennar auðar sem ég er mikið búin að spá í þá ætla ég að leggja leið mína á selfoss annað kvöld og ath hvort e-r horfir asnalega á mig...

Annars lítið að ske..nema það að ég hef komist að því að ég þjáist af krónískum skjálfta í höndunum! Alltaf þegar ég er að vanda mig að teikna í skólanum (búin að mæla allt rosa fínt og á bara eftir að draga fína línu) þá gerist e-ð og útkoman er eins og djöfuls jarðskjálftamælir! Annaðhvort er þetta kaffið eða kynlífsleysið??!!!

Svo er rosa gaman að fara í tíma m heila ritfangaverslun í skólatöskunni. Ég á svo mikið af blýöntum og tússpennum og strokleðrum og stílabókum og möppum og skissubókum og blaa að ég ætti að vera á styrk frá griffli..veit varla hvar ég á að koma þessu drasli fyrir.

.............jám 7 tímar í miðnætti það styttist í að ég fái laun :) núðlusúpur eru ekki góðar lengur!!!!

2005-08-25T20:01:00.000Z

Fokk off!

Ég var að skrifa geðveikt mikið og það datt allt út, djöfuls drasl!
Anyways...ef þú værir kennari og værir að reyna að ná til nemenda þinna myndir þú þá segja frá því að þú ættir son sem hefði verið hreinn sveinn til 21s árs aldurs???
hmm..anyone?

2005-08-24T19:07:00.000Z

Hvar á ég að byrja..

Það er orðið svo langt síðan síðast, ég nenni varla að segja frá öllu..Allavega, skólinn er byrjaður og háskólinn byrjar eftir 2 vikur. Jám Gyða bjartsýna er komin í iðnskólann í hönnun og í háskólann í bókmenntafræði, veiveivei:) Það verður semsagt sniðugt að fylgjast með mér þegar desember nálgast og tvöfalt prófastress kemur yfir mig!!

En þetta er ágætt, mér líst bara vel á þetta allavega ennþá.

Menningarnótt um síðustu helgi var fín. Reyndar er ég stórslösuð á löppunum eftir skóna mína og með sært stolt+hné eftir að hafa dottið á miðjum laugaveginum en það er ekkert...mar verður að brosa að lífinu stundum;) Tek það þó fram að ég datt ekki sökum ölvunar heldur tókst mér að renna í helv rigningunni, ehehe..

Ég hef líka komist að því að íslenskar konur hafa stórlega miskilið það að klæða sig í "hönnun" og gera það vel! Þæfðar risatöskur, brjálæðislega stór og skærlituð gleraugu, hörpokaföt með teygju í mittið og fáránlegir flatbotna skór...hmm ekki fyrir mig allavega, anyone????

Minnið mig á þessi orð þegar ég verð 37 og farin að kaupa ljótt keramikdrasl með hnetueyrnalokka, innpökkuð í ofinn ullarkjól!! Guðminngóður

2005-07-23T19:23:00.000Z

gellu report...

Sit hér enn og aftur í svuntunni í vinnunni minni (eini staðurinn þar sem ég kemst á internetið) og var að gera rosa uppgötvun...ég hef engan hitt í svo langan tíma að ég er að verða skelfilega einmana!!! Allur minn tími virðist fara í það að vinna, þetta er ekki nógu gott:/ Ég á samt ekki annars kosta völ..launin hér eru víst ekkert til að hrópa húrra fyrir og því um að gera að taka allar aukavaktirnar!!

En það stendur til að bæta úr þessu...ég fór t.d m írisi á dillon í gær, sátum í makindum m light coke og rör á föstudagskvöldi á meðan aðrir gestir urðu sífellt fyllri og fyllri. Fyrst ég var m athyglina í lagi þá náði ég "óvart" að heyra svoldið sniðugt. Td sátu meðlimir ákv hljómsveitar stutt frá og voru mikið að spá í því hvort þeir væru búnir að meika það sem mesta rokkið í rvk. Því fl bjórar því meiri sjálfsálit segi ég nú bara ;)

Ótrúlegt en satt þá er svo verslunarmannahelgin bara næstu helgi!! Held ég sleppi þjóðhátíð, þangað hef ég heyrt að fari mikið af óábyrgum of gömlum helgarpöbbum sem ég nenni ekki að tala við. Innipúkinn hljómar meira spennandi..þá þarf ég heldur ekki að sofa í tjaldi heldur get ég skrölt uppí rúmið mitt (og við skulum vona að það takist því ég ætla ekki að slá nýtt met í innipúkahneykslum) ;)

2005-07-09T13:14:00.000Z

Svuntuþeysir or something..

Er á minni fyrstu helgarvakt og fæ ekki msnið til að virka í þessari drasl hp tölvu sem líklega er frá árinu ´97, grrr!
Við hljótum að vera foxy gellur því einn gamli kallinn kvartaði undan því áðan að honum stæði alltaf svo mikið..og ég er ekki að grínast með þetta!!! Búningurinn minn er röndótt hvít og græn svunta og svartir gúmmihanskar, yep hlýtur að vekja upp mikla standpínu..

Kannski jafn mikinn bóner og ég fékk á tónleikunum í síðustu viku, úff!! Ekki af því dave grohl eða josh homme séu neitt sexý heldur bara það er svooo gaman að fara á góða tónleika!! QOTSA áttu kvöldið algjörlega, ég fíla þau allavega betur en foo fighters...hvað er samt málið m íslendinga af hverju þurfum við alltaf að klappa inní lög?? Ég fékk sömu aulahrollstilfinninguna og á kvöldvöku í Fsu forðum daga þegar Sigur rós komu og allir voru alltaf að klappa á vitlausum stað. Það endaði með því að þeir voru farnir að flissa uppá sviði og jónsi sagði að hér (in selfossville) kynni greinilega enginn lögin þeirra!!

Ég mæli líka með því að plötuverslanir landsins fari að taka sig saman um að eiga e-a diska til hjá sér!! Er orðin frekar pirruð á að ath hvort team sleep diskurinn sé kominn í skífuna því hann er aldrei þar! Það er alveg hægt að taka mig á taugum með svona hlutum, ef mig langar í e-ð þá verð ég að fá það strax annars get ég ekki hætt að hugsa um það...væri örugglega rosa gott fórnarlamb í svona shopping spree könnun.

...but back to work

2005-07-04T18:48:00.000Z

Af Duran Duran og fleirum..

Jám hvað skal segja um þessa blessuðu tónleika. Ég var á pinnahælum og datt (nánar tiltekið riðaði til falls því ég réði ekki við 10cm), Ragga fann axlapúða á gólfinu sem mér finnst alveg ofboðslega sniðugt:) Duran Duran voru væmnir og leiðinlegir helming af tónleikunum og ágætir þann seinni. Ég komst að því að ég fíla þá ekki nema í hófi...eitt lag er nóg fyrir mig og það er james bond lagið þeirra sem ég man aldrei hvað heitir..

En..ég hlakka geðveikt til á morgun að sjá queens of the stone age!!!!! og foo fighters líka! Það mun aðeins lífga upp á tilveru mína sem samanstendur af ryksugum og skítugum klósettum (how low can u go!)

Jám..svo var ég líka full um helgina með skemmtilegu gellunum mínum á pæjudjammi :) held við séum ennþá allar þunnar, ég ætlaði varla að komast í vinnuna í morgun og ekki var Hildur skárri. Orðrétt þá sagðist hún vera eins og sveskja hahaha :) Íris var ekki til frásagnar í gær eftir allt sukkið + þynnkusukkið!...Fanný virðist vera mesta pæjan í hópnum því ef hún fer að djamma þá er fötunum yfirleitt stolið utan af henni..við endurheimtum þau samt saman við frekjurnar ;) og svo var Ragga líka frk tjútt sem hættir aldrei að dansa...

það er stundum gaman að vera til :) og kominn tími til!!

2005-06-24T11:35:00.000Z

Sviti og sítt hár..

Ég þoli ekki óstjórnlegan veikleika minn fyrir tónlistarmönnum eða bara strákum sem spila á hljóðfæri, úff!!!!!!
Á Dillon í gær spiluðu brain police, dr. spock og deep jimmy og ég sat og horfði á og lét mig dreyma um ólýsanlega töff gaurinn sem ég á eftir að finna :) hann var samt ekki á svæðinu og er mas ekki til, nema bara í hausnum á mér...allavega ennþá, . Sumir vilja meina að ég sé of picky og að það sé best að gefa e-m nörda séns sem sé svo hægt að móta eftir eigin höfði en ég gæti það aldrei! Skil ekki tilganginn með því, ég vil að e-ð í fari hins aðilans höfði svo mikið til mín að mig svimar og fái kitl í magann, ekki neina possible makeover tilfinningu.

2005-06-11T12:57:00.000Z

This is G, reporting live from nowhere..

Stödd á Hellu og horfi hér út á aðalrúnt bæjarins. Á planinu beint á móti mér situr gaur í grænum jeppa með engu þaki og er að þenja vélina, hversu töff er það??? Við hlið hans situr ljóshærð mær og horfir á hann aðdáunaraugum á meðan svartur reykurinn stígur upp...og viti menn, þau keyra af stað en drepa á vélinni og gaurinn hoppar út og þarf að ýta tryllitækinu aftur inn á planið, HAHAHAHAHAHAHA dagurinn í dag er fullkominn :)

Annars mest lítið að gerast. Ég fór í 17 í gær að kaupa hlýrabol og minnti sjálfa mig aftur á það af hverju ég nenni ekki að versla í þessari búð. Ég kom inn og það kom stelpa sem var að vinna á móti mér. Eins og mar gerir venjulega í búð þá sagði ég góðan daginn en hún sagði bara já! Þetta var svona já eins og í: Já hvað vantar þig?? Fannst það frekar glatað. Ég fór svo á kassann m hlýrabolinn eftir að hafa fundið hann og þar var önnur að afgreiða. Hún tók orðalaust af mér polinn, tróð honum í poka og sagði svo 1590! viltu miðann? Frekar glatað líka...Kannski hefur Svava í 17 ekki efni á framkomunámskeiði fyrir stelpurnar sínar? Ég hef allavega bara séð svona hegðun þarna..

Já..svo er það Portúgal eftir einn og hálfan dag :) get ekki beðið það verður æðislegt!! Ég ætla að liggja og sleikja sólina og borða melónur og kiwi nammi namm og lesa hauga af vouge og cosmo og i-d jibbí :)

anyways, back 2 work

2005-06-07T03:40:00.000Z

Margt býr í þokunni..stendur skrifað

En ætli það sé satt, það er allavega ÞOKA hérna á Hellu og mér er eiginlega ekki sama að vera hérna ein á vaktinni :/ skyldi ég geta varist óvinum með því að beina gullhnappaklæddum barminum að loftljósinu og blindað þá???????

Eða þá ég gæti kastað Fosshótelpenna í augun á þeim sem ætlaði sér að ráðast á mig?????

Eða þá að ég sé bara búin að vera vakandi of lengi og orðin ímyndunarveik??????

Allavega, Hella fær engin rokkprik það er leiðinlegt að vinna hérna!

But I´m still thinking positive, no worries sos-squad ;)

2005-06-02T04:35:00.000Z

FOSSHÓTEL MOSFELL, GYÐA, GÓÐAN DAGINN!!!

Fyrsta næturvaktin..ég sit hérna á Hellu af öllum stöðum, klædd í fölgula ömmuskyrtu úr gerviefni og grænt gullhnappavesti; I´m a fashion disaster!!!!! Eftir að hafa haldið aumingja hótelstjóranum á fótum við að hjálpa mér í tölvunni þar til fyrir korteri síðan get ég nú loksins slakað aðeins á og drukkið ofsoðið, næstum 7klst gamalt kaffið mitt. Mmmm segið svo ekki að sumarið sé ekki yndislegt :)

Reyndar hugsa ég að þetta verði bara ágætt, vinn bara 15 daga í mánuði og nota hina dagana til að gera allt sem mér dettur í hug í svefndrukknum hausnum mínum.

Í eðli mínu er ég samt týpískt næturdýr.
Þegar ég var lítil gelgja lá ég stundum stífmáluð uppí rúmi og las fram á nótt í staðinn fyrir að labba austurveginn eins og miniútgáfa af mellu. Einu sinni kom ég líka heim af djammi og fór beina leið útí garð m teppi og bjór og jarðaber í nætur/dögunarpikknikk. Á það líka til að sauma frá mér allt vit á nóttunni þangað til puttarnir verða dofnir og hætta að hlýða mér...og svo er líka gott að liggja í sófanum hjá Fanný þar til sólin rís og tala og tala og tala :) jújú það er fínt að vaka á nóttunni...ef ég mætti bara vera skárri til fara búhúhú! Hégóminn alveg að fara með mig enda sit ég á móts við risastóran glugga og horfi á alla töffara bæjarins spóka sig um á misgóðum fararskjótum. Litli gaurinn á hjólabrettinu hefur vinninginn eins og er, en þetta er nú líka bara fyrsta vaktin ;)

það verður hinsvegar fróðlegt að sjá hvernig gengur að samræma vinnustað á Hellu, svefnstað milli vakta á Selfossi og bústað í Reykjavík...og ég sem á ekki einusinni bíl!!!!

2005-05-01T17:30:00.000Z

Nú hef ég fullkomlega sannað þá kenningu mína að það er satt að fólk sé annaðhvort heppið í spilum eða ástum; ég er búin að leggja spider-solitaire kapal svona milljón sinnum í dag og hef líklega unnið annaðhvert skipti..
segir það okkur ekki tvennt:

a) óheppin í ástum
b) það gengur ekkert að skrifa þessa helv ritgerð

..kannski fer þetta samt líka eftir erfiðleikastigi, hægt er að leggja kapalinn á 3 vegu. Ég er enn bara í medium. Þýðir það að mín bíði enn fáránlegri ástaróheppni eða þá að ritgerðin verði aldrei tilbúin??????

Óguð, það er svo mikill sunnudagur í dag :/

2005-04-29T11:49:00.000Z

I´m back

Get ekki lengur orða bundist..eða þannig, það er allavega kominn tími til að segja eitthvað.
Hmmmm..margir misleiðinlegir atburðir er kannski það sem helst hefur gerst en um þá vil ég segja sem minnst. Elsku bróðir minn hann Snorri er óðum að hressast :) hann kom heim um síðustu helgi og er núna í dag aftur að koma heim :) Ef það er eitthvað hægt að læra á svona lífsreynslu þá held ég að það sé rétt sem hann sagði um daginn, HEIMA ER BEST!!

Já og svo eru það prófin. Í dag er kominn dagur 3 þar sem ég sit í náttbuxum og veit að ég er á eftir áætlun..er að reyna að krafsa í bakkann með því að undirbúa stórskemmtilega ritgerð um gagnrýni og ritdóma, á meðan sólin skín...

Íris bauð mér í gær að flytja með sér í félagslega íbúð í fellunum sökum heilaskaða af öllum þessum lestri, hvernig væri það?? Eins og staðan er í dag held ég bara að það sé ekkert svo slæmt

2005-03-02T14:34:00.000Z

og mér tókst það að verða barasta einu ári eldri...

Það gerðist á mánudaginn, 28.febrúar, sama dag og Ian Brown á afmæli. Ekki það að við eigum mikið sameiginlegt annað en Stone Roses en ég get þó ekki kvartað :)

Á laugardaginn var haldin smávegis samkoma sem ég vil þó ekki kalla neina veislu, en það var voða gaman (þó svo að mikið af kvöldinu sé í draumkenndri móðu mikillar drykkju).

xxxxxxxx fyrir allar afmæliskveðjurnar og gjafirnar, þið eruð svo góð :)

2005-02-18T15:24:00.000Z

Get into the groove...

Lífið fer alltaf upp og niður :

Aftanákeyrsla + Gyða í brjáluðu skapi!!!
Bréf frá Árný Argentínumær + Gyða brosir og hlær
Ritdómur bíður + Gyða er löt!
Helgin framundan + Gyða er glöð
Segja mömmu frá því að bíllinn hennar sé "svoldið" beyglaður + hjálp hjálp hjálp!!!!

Ég er enn að safna kjarki...djöfull að þetta skuli þurfa að gerast í dag af öllum dögum!!!

2005-02-10T17:21:00.000Z

hvert flýgur tíminn...?

Getur það verið að sólahringurinn sé á einhvers konar yfirsnúningi nú á þessum síðustu og verstu tímum...það eða þá að ég er farin að lesa ískyggilega hægt! Og ég fæ það aldeilis í hausinn..fór áðan til að ræða ritgerðarefni fyrir menning og markaðs ritgerðina og hitti þar fyrir strák sem ætlar að skrifa um það sama og ég. Af því hann mætti fyrr þá var hann auðvitað búinn að eigna sér að skrifa um Barthes og tengja hann Gramsci, en það var einmitt álíka og mín hugmynd :/
Ég verð því að fá nýja hugmynd sem fyrst...hugsihugsihugs

...þýðir þó ekki að grenja yfir því

Flugmiðinn minn er kominn og hótelið líka og Ísak sefur á Mars volta miðunum eins og ormur á gulli :) jibbí, ég er að fara til London!!!!!!!

2005-01-14T18:26:00.000Z

Föstudagur til fjár, var það ekki annars?

Djöfull er þetta erfitt, að púsla sér aftur saman og fara að vakna í skólann, borða hollan mat, læra, fá sér frískt loft, þvo þvott, vaska upp, hreyfa sig, hugsa rökrétt og skipulega og og og..

Ég er ekki viss um að mér takist þetta neitt á næstunni :/ búin að sofa 3svar yfir mig í vikunni, ekki borða grænmetið sem ég keypti og vaki ofsalega lengi á nóttunni. Allur sykurinn sem ég innbyrti um jólin er greinilega hægt og bítandi að yfirgefa líkamann og það er vooont!
Helst væri ég til í að búa til bækistöðvar undir eldhúsborðinu (eins og við systkynin gerðum þegar við vorum lítil), með fullt af púðum og sængum og með teppum yfir þannig að borðið er eins og tjald og kúra þar í híði eins og lítill bjarnarungi...mmm. Góðhjartað fólk væri svo velkomið að koma einu sinni á dag og fóðra ungann sinn á pepsi eða kaffi :)

2005-01-07T16:42:00.000Z

stardust, ég er glimmerdrottning sem sér ekki út fyrir glitri...

Stödd á Akureyri um þessar mundir í góðu yfirlæti hjá henni Önnu minni...lyklaborðið á tölvunni hennar knáu er aðeins að stríða mér en það kemur vonandi ekki að sök..
Hér hef ég komist að ýmsu um sjálfa mig og líka bara notið þess að hafa smá tíma til að rækta það mikilvægasta í heimi, vináttuböndin! Ég er þess fullviss að ég snúi aftur heim með norðlenska visku í farteskinu og fallegar minningar....aftur heim í nagandi kvíðann sem fylgir því að vita ekki um einkunnirnar sínar.

Kíki á hverjum degi en aldrei kemur neitt..eins og að bíða eftir símtali frá HONUM!!! trúi ekki að ég sé svona illa svikin af lærimeisturum mínum, snökt..

2005-01-04T01:39:00.000Z

á nýju ári..

Það kemur margt upp í hugann, hugs hugs :)
trúið orðum fisksins, það stendur mikið til, en spyrjið að leikslokum hvort eitthvað varð úr því...ég vona það besta!

Kvaddi gamla árið á viðeigandi hátt með fjölskyldunni minni og síðar um kvöldið kom áfengi, slitnir skór, dans, heitur pottur, perukoníak og blaut föt við sögu...

takk fyrir mig ;)

2004-12-29T21:09:00.000Z

Gleðileg jól og takk fyrir gamla árið :)

Af því ég hafði hvorki stund né stað til að gera nein jólakort þá verður þetta bara að vera svona...ég er samt mjög hlynnt jólakortum, finnst þau svo falleg. Þoli samt ekki að fá kort sem er bara undirritað..ef fólk getur ekki gefið sér tíma í skrifa e-ð í kortin sín þá má alveg eins senda fólki e-mail, eða jólasms þannig að hægt sé að halda sér í alvöru á ópersónulegum nótum... Ég mun því líklega skrifa mín kort í ágúst svo þetta gerist nú ekki aftur :)

...en jólin voru fín sérstaklega þar sem ég hef ekki hitt fjölskylduna mína svo dögum og dögum skiptir. Held reyndar að það sé ákveðið karma í gangi þar sem ég hef nú ætlað að halda á mínar heimaslóðir í 3 daga en alltaf verið veðurteppt! helvítis fjallvegir!...þannig að það eru fleiri dagar í faðmi mömmu :)

...

2004-12-18T01:56:00.000Z

She´s lost control...

I could live a little better with the myths and the lies When the darkness broke in I just broke down and cried I could live a little in a wider line When the change is gone - when the urge is gone To lose control When here we come

...eitt af mínum uppáhaldslögum með Joy Division er þetta lag í þeirri útsetningu þar sem ofangreindur partur er lokahluti lagsins. Ég er búin að hlusta á Unknown Pleasures í allt kvöld, með lokuð augun og er löngu búin að gleyma því að það er próf á mánudaginn í stefnum í bókmenntafræði; fari þær fjandans til ég er í tónlistarlegu algleymi eins og er!

Stundum er eins og tónlist sé það eina sem gefur þér eitthvað; að hlusta á lag sem grípur það hugarástand sem þú ert í er miklu betra en að reyna að tala og útskýra...

Hver er líka tilgangurinn að tala þegar öll orðin sem þú segir endurspegla allt annað en það sem þú hugsar og togstreitan á milli tungunnar sem talar og heilans sem hugsar er að sprengja andlitið á þér; eitt andlit er of lítill vígvöllur fyrir stríð orða og tilfinninga

nema ég togi í kinnarnar og stækka það...?

2004-12-03T21:17:00.000Z

Sími: 92-0000 og 1000 kr munu fara af ykkar símreikning til styrktar þess að Íslendingar birti heilsíðuauglýsingu í NYTimes þar sem fram komi að aðeins 2 menn hafi sett Ísland á lista viljugra þjóða! Hristið nú af ykkur desemberkapítalismann og hringið!!!

Get ekki annað en auglýst þetta framtak því þetta er í senn ótrúlega sniðugt og óborganlega fyndið, hahaha :) Hvað gerir vinur minn Davíð þegar hann les þetta? Skammast sín ofan í tær fyrir að vera Íslendingur? Það er þá gott á hann því við hin erum búin að gera það alveg síðan yfirlýsingin var gerð opinber!!!! Þannig að það má segja að hann hafi verið bitinn í rassinn blessaður...

Annars hefur ritlistagyðjan komið yfir mig, ég kláraði heilmikla menningarfræðiritgerð í gær um dulin skilaboð í saklausum gamanþáttum og er svona að fara að færa mig yfir í eftirlendufræði með smá twist af femínisma og bókmenntastefnum...vonum að gyðjan þurfi engum öðrum að hjálpa um helgina þvi ég þarf virkilega á því að halda að halda áfram á þessari braut!!

...og á þessu föstudagskvöldi er ég undarlegt nokk stödd í Odda ásamt fullt af bókum og góðu fólki sem hingað er komið til að LÆRA.

Samviska mín er því tandurhrein, ólíkt því sem oft hefur verið ;)

......en af hverju í ansk er ekki hægt að kaupa kaffi hérna?????? kaffi = meiri afköst :/

2004-11-30T20:47:00.000Z

hlutir sem skipta engu máli??!!

Heyr á endemi! ég var svo reið eftir að hafa horft tvisvar á Kastljósið í gær að ég verð bara að koma því út:

Hæstvirt þingkona sjálfstæðisflokksins, Sólveig Pétursdóttir, sat þar fyrir svörum og umræðuefni kvöldsins var innrásin í Írak og meintur stuðningur Íslendinga við þann glæp. Sólveig sat í stól sínum og bunaði því blákalt út úr sér að það skipti engu máli þótt Íslendingar væru á lista yfir þjóðir sem styddu innrásina því innrásin væri hvorteðer um garð gengin og lítið sem við gætum gert í því. Kæra þjóð, við getum andað léttar, það skiptir nebblega ekki máli að þjóðarsál okkar sé lituð blóði allra þeirra saklausu borgara sem létu lífið þarna í Whatsitsname Írak, þetta er allt saman búið og gert núna í dag og tími til kominn að gleyma..
Mér líkaði ekki þetta move on viðhorf Sólveigar og var ansi hneyksluð á því hvernig hún lítilsvirti skoðun meirihluta þjóðarinnar; það skiptir ekki máli. Eftir að hafa verið innt svara um hvernig Halldór og Davíð tóku þá ákvörðun (fyrir hönd 63ja þingmanna ríkisstjórnar og heillar þjóðar) að skrifa undir samþykkt þess að styðja stríð þá skeit háttvirt Sólveig algjörlega á sig! Flausturslega sagði hún frá því hvernig ríkisstjórnin hefði unnið saman að þessu máli og að sameiginleg ákvörðun hefði verið tekin...skrýtið, af hverju vita þá engir aðrir þingmenn af því að sú ákvörðun var tekin, voru þeir kannski allir í fríi???
Heldur þessi manneskja virkilega að við séum svo heimsk að gleyma bara svona 1,2 og 3?? Það vita allir hvernig staðið var að þessu máli; Ísland er, þvert gegn vilja meirihlutans, á lista yfir þær þjóðir sem styðja blóðuga hefndaraðgerð G.W. Bush gegn vonda kallinum sem karl faðir hans gat ekki stútað á sínum tíma!!!!
Mér finnst það vanvirðing við fórnarlömbin að segja að innrásin skipti ekki máli þar sem hún sé þegar um garð gengin og legg til að þeir sem láta þvílíkt út úr sér verði ausnir kindablóði til að minna þá á hvernig er að lenda í árás Bandaríkjahers!!!!!!!

Sólveig, þú ættir að skammast þín!!!!!!!!

2004-11-26T18:20:00.000Z

svefnleysi...

Mér finnst ég heyra þetta allstaðar..það getur enginn sofið lengur sem er mjög sorglegt. Hvað er betra en að leggjast til hvílu á köldu nóvemberkvöldi, fara undir hlýja sæng og loka augunum undir sætri lyktinni sem fylgir því að sofna???
Ég er samt örlítið glöð (eigingjarna ég) að vera ekki ein um þetta vandamál því nú veit ég að það eru fleiri að skoða stjörnurnar á nóttunni heldur en ég :)

...setti persónulegt met í nótt sem leið, ég sofnaði ekki fyrr en um 8!!!!!!!! um morguninn! Ef ég hefði nýtt tímann hefði mér kannski tekist að leysa einhver vandamál heimsins, eða mín.. Í staðinn lá ég og hugsaði um sjálfa mig og í hvaða stellingu er best að sofna; á maganum auðvitað!

kannski hef ég uppgötvað nýtt meðvitundarstig: svefnþrármeðvitund??

..allavega, 1 ritgerð í heimspeki búin, jibbí :) ég ætla að fara að vaska upp og þvo því það er aldrei að vita hvenær von er á gestum.

2004-11-23T16:03:00.000Z

If you want af picture of the future, imagine a boot stamping on a human face...forever!

Þannig hélt ég að heimurinn yrði eftir vísindaferð síðasta föstudags, mér leið allavega eins e-ð hefði valtað yfir mig; með brotna tönn, bólgu við hægra kinnbein, marbletti víðsvegar um líkamann og ofsalega aum í olnboganum...svo ekki sé minnst á erfið eftirköst ofsalegrar drykkju, ég var svo þunn að ég var tilbúin að láta lífið!
Svo kom laugardagur, sunnudagur, mánudagur og í dag líður mér betur :)

Eftiráaðhyggja er þetta allt svoldið skondið.. Ætli við verðum það sem við viljum vera þegar við erum full eða brenglum við eigin sjálfsmynd með drykkju?? Ég veit svei mér ekki....
Og hver er þá tilgangurinn með þessu öllu? Gera sér glaðan dag og enda svo bara í e-u svartholi rugls og minnisleysis???
Ég er farin að sjá það núna að líklega snýst þetta allt um að kunna sér hóf, hmmm ;)

Samt sem áður..takk fyrir góða skemmtun á meðan á því stóð elsku samnemendur!!! :0)

..og svo gleymist þetta fljótt og fyrr en varir fer fólk að tala um hvað það ætlar að gera næstu helgi, það er svo ægilega langt síðan ég hef djammað alminlega...og sagan endurtekur sig að öllum líkindum.

Þangað til næst segi ég því, með þeim fyrirvara að allir verði búnir að gleyma því sem gerðist síðast, tíhíhí..

2004-11-17T17:45:00.000Z

Smokkurinn er glerskór okkar tíma!

Fight club verður alltaf góð mynd :) mér finnst þetta svo fyndin setning..tókst samt ekki að svæfa sjálfa mig með henni í gær heldur var ég vakandi til 3 :/ ekki alveg nógu gott..

Mitt blessaða bókmenntafræðinám hefur heldur betur skollið á mér í þessari viku. Af hverju sagði mér enginn að það væri svona lítið eftir af önninni?? Ég glími við það króníska vandamál að vita aldrei hvaða mánaðardagur er og fékk smásjokk þegar ég kíkti á dagatal í gær..það er svo lítið eftir og svo mikið eftir!!!

..ólíkt þeim sem sitja og kvarta undan eigin leti þá ætla ég að gera e-ð í þessu og fara að lesa núna :)

2004-11-11T01:23:00.000Z

Ferðasagan næstum öll..

Ég er snúin aftur frá Danmörku eftir góðar stundir í Kaupmannahöfn :) Við Soffía lentum í gær þreyttar en mjög ánægðar...og með aukatösku í eftirdragi (skamm!)

Strikið, eplaskífur, kokkteilar, búðir, tré, haustlitir, Kristjanía, jólatuborg, kartoffelkage...þetta var alltsaman æðislegt!!

Ég er að hugsa um að fara bara bráðum aftur..og vera lengur :)

2004-11-05T01:13:00.000Z

...bíða bíða bíða

Rosa leiðinlegt að bíða svona eftir þvottavélinni og hafa ekkert að gera á meðan. Samkvæmt ritgerðarplaninu ætti ég að vera steinsofandi svo ég geti vaknað í fyrramálið og farið að læra meira, fjúff..þýðir ekki að læra á nóttunni þá er svo margt annað að gerast...
Eins og allar fallegu stjörnurnar úti :)
eða endursýning á america´s next Top model...veit hver vinnur, ég varð forvitin og gáði...og það er: ...segi það ekki!
eða lesa ævisögu Steins Steinarrs...alltíeinu langaði mig það svo en kemst aldrei í það að byrja..og það eru 2 bindi
eða sitja og tala við tölvuna mína því ég hef engan annan eins og er..

Allavega þá styttist óðum í för mína til Danmerkur :)
Ég er ekki búin að pakka, mig vantar allan pening, ferðataskan mín er ekki á vísum stað og ritgerðin mín er langt í frá tilbúin :/
en ég fer samt..það verður ljúft að horfa í kringum sig á strikinu og sötra eins og eitt hvítvínsglas áður en við Soffía sýnum hvað í okkur býr í búðarrápinu. Jám og bara yfirhöfuð gleyma sér í nokkra daga og koma svo endurnærð til baka til að takast á við lífið hérna (sem mun verða próf, ritgerðir, próf, bókhlaðan, blóð, sviti og tár!)

...en það bíður mín spennandi karlmaður sem heitir Barthes þannig að ég kveð að sinni ;)
(fyrir þá sem ekki eru í bókmenntafræði hafið engar áhyggjur...hann er aðeins hér á prenti og varla það, það er engin mynd bara texti eftir hann!)

2004-10-31T20:29:00.000Z

shit happens líka í verslunarferðum..

Til Danmerkur eftir 6 daga og nokkra klukkutíma :) Ég er þónokkuð farin að hlakka til og huga að undirbúning. Þarf t.d. að finna hæfilega ferðatösku til að taka með mér...e-a sem hægt er að troða nóg í, því ekki má ég sleppa því að skoða í búðir og kaupa allt sem hugurinn girnist. Er það ekki líka einkennismerki Íslendinga í útlöndum; kaupæði??
Minnist þess þegar foreldrar mínir fóru til Dublin í helgarferð og pabbi var alveg rasandi yfir einni konu sem fór og keypti 10 stk af gallabuxum...grey konunni til málsbóta þá voru þetta nú levi´s buxur, örugglega 501 því þetta var ca ´94..

Á milli þess sem ég gramsa í bílskúrnum eftir tösku og tel saman allt hugsanlegt fjármagn til að skipta í danskar krónur þá get ég ekki varist þeirri hugsun hversu langt sumir eru tilbúnir til að ganga til að kaupa það sem hugurinn girnist..

Ætli friðargæslumönnunum okkar knáu verði hugsað til 11 ára gamallar betlarastúlku í Kabúl, eða bandarísks kvenkyns hermanns sem báðar létu lífið í sprengjuárás sem gerð var í Chicken street???? Eða ætli þeir hugsi með sér, "jæja, shit happens!! Við munum að skipta um föt næst áður en við förum í verslunarferð" Eða sýnir þetta etv ótvíræð gæði írakskra teppa?? Þrátt fyrir skýr fyrirmæli um að einstaklingar í hermannafatnaði ættu ekki að vera á ferðinni á þessari götu þá stóðust þeir félagar ekki mátið því þeir urðu að skoða sig um og finna sér e-a minjagripi..
á meðan líkin kólna í Írak vona ég að þeir geti yljað sér undir teppi, komnir heim með þjóðhetjustimpil og kannski næstu fálkaorðu fyrir fádæma heppni að hafa ekki orðið sprengjum að bráð!!!

Shit happens, þeir sem gerðu árásina rugluðust og drápu tvo saklausa einstkalinga í stað þess að murka lífið úr kaupóðum Íslendingum sem brutu reglur er vörðuðu líf og dauða...kennir það okkur ekki að vera betur undirbúin áður en við förum útí búð, það er aldrei að vita hvað getur gerst..

..og til að toppa okkar eigin kaupsýkisstimpil þá legg ég til að Ósóma hefji framleiðslu á bolum eins og þeim sem friðargæsluliðarnir klæddust þennan örlagaríka dag, því eins og þeir segja sjálfir í mogganum þá er þetta nokkuð "fyndið" orðatiltæki: chicken street, shit happens!!

...stundum skammast ég mín fyrir að vera Íslendingur :/

2004-10-27T19:13:00.000Z

Sniðug pæling..

Konur skortir hið fallíska vald, bæta þær við, og sá mismunur veldur kvíða sem markar ritun kvenna djúpt: "Með hvaða líffæri geta konur búið til texta ef penninn er myndhverfing fyrir getnaðarlim?"

....segja Gilbert og Gubar í Ritinu um femínisma

Jah ég veit svei mér ekki, ætli flestar konur búi ekki til texta með því að hugsa og nota heilann?? Ég kýs að líta írónískt á þessa fullyrðingu og get sagt það í hálfkæringi að karlmenn virðast þá aðeins hafa tækin til að gera texta skv þessu...hvergi er minnst á vitsmuni né heila ;)

Það er líka fyndið að síðar í greininni segir höfundurinn, Elaine Showalter, að henni detti helst í hug að líkja kynfærum kvenna við tölvu..tengdi það því að setja inn og taka út upplýsingar, eða e-ð í þeim dúr :)

Barátta kynjanna hefur skipt um vígvöll, er nú háð á skrifborðinu...er hægt að líta allegórískt á fleiri tæki, t.d. tippex eða gatara???

2004-10-26T22:16:00.000Z

Mín skoðun á airwaves!

Þær eru eflaust ófár úttektirnar sem má lesa um síðustu helgi...ég verð nú að segja það að ég er tiltölulega ánægð með þetta allt saman fyrir utan eitt...allt fólkið sem var ekki með armbönd!! farið heim heimska fólk hinir eru allir búnir að borga fyrirfram og eiga ekki að standa í röð!! Kannski er þetta bara mín óþolinmóða og ósanngjarna hlið en ég var helvíti fúl þegar ég ætlaði á nasa að sjá trabant og það var eins og verið væri að opna nýja ELKO verslun í kringlunni...röðin var lööööööng og allstaðar var fólk að tala um hvort það væri ekki hægt að borga sig inn :( urrrrr ég varð svoldið vond. Íris og Heiða og Lena þurftu líka að fara inn bakdyramegin á Gaukinn þrátt fyrir armband því það átti bara ekki að hleypa þeim inn...
Ég verð því bara að taka málin í mínar hendur og útbúa tvær raðir á næsta ári, fyrir hálfvitana og okkur hin ;) ...nei ég er að grínast, en allavega væri það sanngjarnara!

Tónlistin er samt auðvitað það sem máli skiptir..og það var nóg af henni!! Ég sá margt skemmtilegt og var sérstaklega hrifin af The Stills. Þeir sækja áhrif sín víðsvegar í margar af betri sveitum og það var því frábært að heyra í þeim. Mér fannst líka gaman að sjá Singapore Sling, það veldur sjaldnast vonbrigðum :) Yourcodenameis:milo komu á óvart...þeir voru góðir en ég bjóst við meiru. The Shins voru frábærir!!!! rosa skemmtilegt band..mínus: jah, svona ok, jújú en kannski kominn tími á nýtt prógram? Lifa svoldið lengi á þessu sama halldór laxness þema sínu.. og svona get ég haldið áfram að telja.. Annars held ég að það sé ómögulegt að sjá allt sem mann langar, ég missti allavega af helling! En ánægð samt með það sem ég sá :)
Fór á föstudaginn á Kerrang kvöld á gauknum, eftir stutta viðkomu á Kapital og svo aftur á gaukinn á laugardaginn. Með í för voru ofurpæjurnar Íris, Fanný, Heiða og Lena og við skemmtum okkur bara afskaplega vel...sérstaklega á laugardaginn ;)
Eftir að allt var búið fórum við svo á 22 og gerðum það sem ætlast er til af fólki niðrí bæ um helgi; drukkum okkur mökkölvaðar...innan um skátafélagið Leiknir og fleiri furðufugla (með fullri virðingu fyrir skátum, þeir dansa samt svoldið skringilega...kannski e-ð sem er kennt á Úlfljótsvatni, hver veit?)

Og núna líður mér eins og virkilegri námskonu; búin að skila af mér heimspekiritgerð (degi of seint samt) og finnst ég búin að sigra heiminn :) samt aðeins dropi í hafið Gyða mín...var að hugsa um það um daginn hvort ekki væri hægt að nýta e-ð af þessum kennurum í verkfalli til að sitja yfir fólki eins og mér og láta það læra?? Mér líður yfirleitt betur ef ég er í námsvænu umhverfi og hvað er betra en alvöru kennari í flókainniskóm? Verst að mamma er búin að vera ofurbusy síðan þetta allt byrjaði...hún er búin að nýta tímann við að föndra+skrifa öll jólakortin, já ÖLL, baka, þrífa allt frá toppi til táar og fleira og fleira..býð henni bráðum í heimsókn til mín..það er komið ryk ;)

Þrátt fyrir lítinn lestur þá gef ég mér samt alltaf tíma í önnur verkefni...ég er komin í ritnefnd Torfa með Gretu og Atla og líst bara vel á það samstarf... það er hægt að lesa blaðið á heimasíðu Torfhildar sem finnst ef farið er inn á www.hi.is~torf :) ´

...can´t you see what you´ve done to my heart and soul? It´s just a wasteland now!

Hrifin af þessari línu og disknum í heild sinni; antics með interpol. Ekki mikil breyting frá fyrri disknum en það er líka allt í lagi, sumu þarf ekkert endilega alltaf að vera að breyta...

2004-10-21T01:48:00.000Z

Tarot spil..

Magnað, ég dró nokkur spil og allt sem á þeim stóð passaði svo vel. Ekki akkúrat samt það sem ég vildi heyra...ég hef líka tilhneigingu til þess að hugsa bara ég og mig og gott fyrir mig og fleira í þeim dúr. Kannski til að hlífa mér við sársauka, kannski bara því ég trúi því...? Öll spilin voru sammála um að ég ætti að hefja nýtt tímabil, leyfa fortíðinni að fljúga sína leið.... ef það væri nú bara svona auðvelt að sleppa henni frá sér, án fortíðarinnar finnst mér ég ekki eiga neina sögu, ekki vera neitt mikið, ein lítil Gyða í öllum heiminum??

Það kemur kannski að því seinna...

2004-10-18T13:15:00.000Z

Dk 19 dagar...airwaves 3 dagar!!!!!!!!

Niðurtalning er hafin og ég er ótrúlega spennt :) Verst að ég uppgötvaði það nýverið mér til mikillar skelfingar að ég hef ekki hugmynd um bókunarnúmerið mitt og Soffíu til Danmerkur :( ég prentaði út e-a staðfestingu þegar við bókuðum flugið og svo ætlaði ég alltaf bara að geyma þetta af því það var hvorteðer inná póstsvæðinu mínu....hmmm svo hvarf pósturinn minn allur um daginn!!! Póstsvæðið hrundi or something??? Þannig að við höfum ekkert bókunarnr og ekki hugmynd um neitt lengur.....æjæj en við hljótum nú samt að komast á leiðarenda, ég trúi ekki öðru :)

Anna mín var svo elskuleg að láta sjá sig réttu megin á landinu um helgina, hún kom semsagt hingað frá Akureyri blessunin til að fagna þrítugsafmæli bróður síns :) Við fórum þrjár, ég, hún og Fanný út að borða á Tapas á föstudagskvöldið...mmm það var svo gott!!!!!!!! Pöntuðum helling af allskonar smáréttum og nutum þess að borða saman, þetta var alveg æðislegt!!! Ég fór svo með Önnu út á flugvöll í gærkvöldi, snökt snökt, af hverju er ekki gefið vetrarfrí í þessum blessuðu háskólum svo vinkonur geti hist???
Það er reyndar svokölluð "æfingavika" hjá mér í þessari viku...en það er svo mikið efni sem þarf að fara yfir í stefnum og í menningarfræði þannig að ég fæ ekki frí þar heldur bara í heimspekinni...verður bara að hafa það, ég ætti kannski að fara að opna bækurnar mínar til tilbreytingar og lesa e-ð..

2004-10-10T10:52:00.000Z

Vicious

Það kemur e-ð yfir mig þegar ég hlusta á þetta lag mér finnst það svo skemmtilegt... veit ekki hvað það er en ég fæ oft svona lög á heilann og þá er ekki nokkur leið að losna við þau. Þau verða bara að fá að fjara út af sjálfu sér... og á meðan er ég heltekin og hugsa vart um annað en að fá tækifæri til að hlusta á lagið. ...líf mitt í hnotskurn; andlega heltekin af óáþreifanlegum hlutum!

Annars er ég búin að hafa það ágætt búin að mata sjálfa mig á misgóðum myndum og pepsi. Ég var búin að gleyma því hvað bíómyndir geta verið góð afþreying...þar er hægt að hverfa inní annan heim í smástund og gleyma sínum.

Listi helgarinnar er eftirfarandi:

-Starsky & Hutch
-Edward Scissorhands
-Braveheart
-Cold Mountain
-Secrets & Lies....sem ég er reyndar ekki alveg búin með ennþá

hmmm..uppúr stendur Johnny Depp sem viðkvæmnislegur og yndislegur Eddi klippikrumla (svo ég noti nú íslenskuna), á skjön við samfélagið en þó eins og yfir það hafinn. Tim Burton er fraábær leikstjóri og ég get horft aftur og aftur á myndirnar hans, uppfullar af ímyndunarafli og öfgum. Næsta verkefni er að sjá allar Batman myndirnar aftur :)

Verst að ég er örugglega búin að beygla sjónvarpsgleraugun mín með því að liggja alltaf á hliðinni ofan á spönginni, þau pirra mig allavega það er eins og ég sé með mishá eyru því þau eru svo skökk :/

Ég er nú samt ekki alveg búin að innipúkast alla helgina...ég fór í útskriftarboðið hennar Gróu í gær og sá þar eitt flottasta hlaðborð sem ég hef séð!!! Veisluþjónustur hvað! Skildist að þetta væri allt heimagert bara....hvað er orðið um húsmóðursgenið í minni kynslóð?? ég gæti í mesta lagi gert bolluna...
Núna á fólk bara hús án húsmóðurhæfileika eins og Auður mín sem gerir heimsins bestu sjávarréttasúpu en er bara nýbúin að læra að sjóða hafragraut hahahaha ;)

...og nú er ég farin í sund

2004-10-01T11:52:00.000Z

Breyttir tímar...og bestu vinir

Eins og er finnst mér ég vera eins og lítið laufblað í sviptivindi...sviptivindurinn mun þá vera lífið mitt sem er alveg að fara með mig þessa dagana. Ef ég væri nú ekki heppin að eiga vini hvar væri ég þá :)

Það eru ekki allir eins heppnir, sumir eiga jafnvel enga vini eða bara vini sem hlusta aldrei. Ég hef undanfarna daga tekið í sátt Lindu Pé auglýsingarnar um "það getur öllum liðið illa (dramtískt augnaráð og talar ofsalega hægt)" vinalínuna sína. Ég meina, fólk verður að geta leitað til einhvers...það versta í heiminum er að bera harm sinn í hljóði!!

Mér finnst ég því vera mjög heppin með fólkið í kringum mig...það er sko alltaf e-r sem nennir að hlusta og hjálpa og styðja og hugga :) takk fyrir það!!!!!!!!!!!!!!

2004-09-26T14:00:00.000Z

Big mama´s house...

Já mikið er ljúft að fara stundum heim til sín í faðm mömmu sem huggar, hlýjar og síðast en ekki síst býr til besta mat í heiminum!!!!!!!!
Ég er semsagt stödd á Selfossi í dag og ætla að hafa það notalegt :) hætta að velta mér upp úr öllum mínum áhyggjum í 1 djöfuls dag og hafa það gott!!!!

Ég fór á föstudaginn út með Írisi og Lenu eftir mikla trivial keppni heima hjá mér (sem endaði m sigri hinnar stórgáfuðu Gyðu að sjálfsögðu, hahah) og ofsa mikið hvítvín. Það var stormur úti, örugglega 45 vindstig því einhver píka sá hag sinn vænstan í því að STELA svarta flotta sjalinu mínu inni á 22 og hverfa með það út í nóttina og óveðrið....urrrrr hún er dauð ef ég sé hana með það einhversstaðar!!...allavega það var mjög gaman. Þetta var svona recovery djamm eftir leiðinlega viku og það tókst bara mjög vel :) við dönsuðum og dönsuðum og dönsuðum en urðum frá að hverfa þegar dj-inn á efri hæðinni tók upp á því að spila PHIL COLLINS sem er höfuðóvinur minn þessa dagana og ýmislegt annað óskemmtilegt. Við færðum okkur því um set þegar kl var að nálgast 6 og fórum á 11una en stoppuðum stutt því þar var ekkert gaman.... en í alla staði skemmtilegt kvöld :)

Verð að bæta því við að ég er örugglega með einn besta kennara í heimi. Benedikt Hjartarson heitir hann og kennir stefnur í bókmenntafræði. Ég sit hérna og er að prenta út glósurnar frá síðasta tíma sem ég fór ekki í og viti menn, ég þarf barasta ekki að hafa neitt samviskubit þó ég hafi ekki farið því maðurinn er búinn að setja inn á netið 19 bls af glósum!!!!!!! Það er nú örugglega meira en ég hefði afkastað sama þó ég hefði drukkið 3 kaffibolla, verið m hárið í teygju, setið fremst og notað nýjan penna :) ....þannig að nú þarf ég bara að lesa þetta allt saman...

2004-09-19T16:22:00.000Z

just when u thought things couldn´t get any worse...

They do!!! Ég á þennan málshátt, allavega eins og staðan er í dag. Ástæður: margar...of margar. Ég hugga mig við það að geta þó allavega brosað að fólkinu sem býr hérna við hliðina á mér og spilar Phil Collins featuring GENESIS allann daginn ef því er að skipta...ég fæ hroll við svona hræðilega tónlist, úff!!

Slepp samt við þennan hlustaverk í kvöld því ég er á leið á Blonde Redhead tónleika m Röggu & Ísak og það verður sko gaman :)

....

2004-09-13T13:26:00.000Z

....verkfall

Það liggur nú bara við að ég öfundi hana mömmu mína pínulítið að vera kannski að fara í verkfall. Frí um óráðinn tíma það væri nú ágætt :) ég er strax farin að hlakka til að fara í jólafrí! Ekki það að það sé leiðinlegt í skólanum þetta er bara stundum svoldið mikið! Skila fyrstu ritgerð strax á miðvikudaginn, hún á reyndar að vera mjög stutt en ég er samt ekki alveg tilbúin ennþá....þarf fyrst að kaupa bókina sem ritgerðin á að vera um, hmmm..

Ég er líka búin að vera í svo miklum flutningum sjáiði til. Allt samt komið á sinn stað núna :) það vildi mas svo skemmtilega til að það flutti fólk þar sem Hulda býr og skildi eftir dót og ég tók sófann þeirra heim til mín. Fallegur gripur (hmmmm), dökkgrár (eins og á fasteignasölubiðstofu), 2ja sæta og hægt að draga út dýnurnar...þetta verður fínt svona fyrst um sinn, ég kaupi bara efni utanum hann. Það sem mestu skiptir er að það var ekki skrýtin lykt af honum, engir blettir og engin eyðsla á efninu..Það eina sem mig vantar núna er nettenging sem "vinir" mínir hjá RHÍ hafa ekki enn sett upp :(

Svo talaði ég við nágrannastelpuna...man reyndar ekki alveg hvað hún heitir enda leist mér þannig á að hún vildi bara ekkert tala við mig. Anna, hún beitti þinni aðferð, fullt af jáum með mismunandi blæbrigðum ;)...stafar kannski af því að hún er feimin....eða þá að fyrstu kynni við mig hafi verið svona skelfileg??

Það er víst ekki hægt að gera öllum til geðs...hún á þá ekki eftir að koma í heimsókn í tíma og ótíma, hhhrrmpfff...

Var samt bara hálfa helgina heima, Auður átti nebblega ammæli og það var ofsa fín veisla í Dverghólum á Selfossi, sjávarréttasúpa a la auður, hornbaðkar fullt af bjór, flæðandi hvítvín, sykursprengjueftirréttur, æsispennandi trivial keppni sem endaði m sigri R&H (ragga + hulda) og endalaus hlátursköst = ég skemmti mér dásamlega vel...en var samt með smá timburmenn í heimsókn í gær :/ sem eru nú sem betur fer farnir í dag...

Það bíður mín hellingslestur og glósuvinna þannig að Salut þar til næst :)

2004-09-06T13:34:00.000Z

eins og sprengjuárás!!

Þannig er umhorfs heima hjá mér....allt útí kössum og dagblöðum og aftur kössum. Ég er rosalega löt að ganga frá þessu öllu, búin að skrúfa saman hillu, einn koll og eldhúsborð en hitt bíður. Rúmið mitt kom loksins í gær (ekki bundið ofan á ventoinn eins og ég hélt heldur á risa jeppa bundið á pallinn) og ég er á Selfossi núna að taka saman síðasta dótið og stela úr skápunum hjá mömmu :)
Helgin fór eiginlega öll í þetta flutningavesen, nema föstudagurinn þegar ég brá mér af bæ og fór á kaffibarinn m Huldu, Írisi og Soffíu.. skemmtilegt eins og alltaf, hehehe ;) SUS (samband ungra sjálfstæðismanna) var þarna með e-ð ársþing og fullt af gaurum sem "áttu heiminn" eins og það er orðað. "Hey, elskurnar loksins þegar það koma sætir strákar til Selfossar þá lítið þið ekki við þeim??" hmmm...féll ekki vel í kramið verð ég að segja. Frjálshyggja+hárgel+beigelituð jakkaföt+illa talandi kvikindi sem kunna ekki að beygja rétt...ekki fyrir mig allavega!
Mér tókst svo að enda alein labbandi heim í rigningunni en það var ekki skynsamlegt því ég var (í eitt af fáum skiptum) í hvítum Marilyn Monroe skóm með ca 8 cm hæl og tók því hænuskref til að detta ekki. Þegar ég nálgaðist Úthagann var ég orðin svo óþolinmóð að ég labbaði aðeins hraðar en það endaði ekki betur en svo að ég datt á rassinn!! Ein sem betur fer!!

Held mig bara við kínaskóna mína hér eftir... :)

2004-09-03T11:05:00.000Z

3 hjól undir bílnum...

Þetta lag var nú bara samið um vento foreldra minna, kræst..hann er nýkominn úr viðgerð og það heyrast skuggaleg hljóð úr honum (strax!!) og þessum blessuðu viðgerðarmönnum tókst líka að eyðileggja útvarpið þannig að nú heyrist ekkert í því lengur!!!! grrrr ég þoli ekki bíla með engum útvörpum!!!!! Sérstaklega ekki núna þegar ég er búin að fara 100 ferðir í bæinn með dót eða til að leita að meira dóti í Góða hirðinum og IKEA ....
En já flutningar ganga bærilega..nema þegar ég gerði mér grein fyrir því að það er ekki hægt að setja eina og 1/2 breidd af rúmi í skottið á bílnum :/ Snorri gerði mér grein fyrir því og nú sit ég með brakandi haus að reyna að muna eftir e-m sem á sendiferðabíl og er vinur minn.... anyone??? ég er búin að bæsa heilan helling af hillum og eldhúsborðum í kirsuberjalit og er öll orðin blettótt eins og eftir ljótt brúnkukrem eða eins og ég sé með valbrá útum allt en það er bara töff...
Það verður alveg æðislegt þegar þetta verður allt búið og ég get fengið mér hafragraut og kaffi heima hjá mér, chez moi :) ég hlakka ótrúlega til... já og líka að fara í skólann, það verður ok..ég á samt í smá tilvistarkreppu... langar stundum ekki í skólann heldur gera e-ð annað en þá get ég líka ekki búið í þessari íbúð...hmm ég er eiginlega að múta sjálfri mér með íbúðinni!! Vertu í skólanum og búðu ein í íbúðinni þinni Gyða!!!!! þetta er samt mjög spennandi önn, heimspeki, menningarfræði og bókmenntafræði...og ofboðslega mikið að lesa og skrifa og læra :)

2004-08-26T13:38:00.000Z

pick up the receiver, I´ll make u a beliver...

1/23 af mér er flutt til Reykjavíkur..ég fór með einn kassa í gær og raðaði upp í eldhúshilluna mína fínu. Ég veit samt ekkert leiðinlegra en að pakka, þessi kassi var tilbúinn í bílskúrnum síðan ég flutti af víðimelnum...hitt bíður. Úff!! það er rosa leiðinlegt að flytja, hvað ætli kosti að fá svona flutningaþjónustu??

Verð alltaf smá svartsýn áður en ég stíg svona ný skref...hvað á ég t.d. að gera ef nágranninn minn hlustar bara á e-ð ömurlegt?? hmm, kannski Anastaciu? eða ef nágranninn minn elskar soðið kjöt (öööhh ég þoli ekki lyktina af því!) eða ef hann fer alltaf að sofa kl 10 og bankar í vegginn með kústskafti svipað og "elsku" Pálína hennar Önnu??
hmmmmm...ég lærði nú margt í fyrra, Baldur afmeyjaði mig í að búa í kringum annað fólk (hljómar ekki vel en satt). Það var stundum óhugnlegt get ég sagt ykkur... Eins og þegar hann kom fram af klósettinu (eftir ca kortér) og kallaði "Gyða, búinn!!!" eða þegar hann dansaði djæfinn sinn óavitandi fyrir framan mig með lokuð augun, í hvítum sportsokkum og ÞRÖNGUM nærbuxum!!!! að ógleymdri kærustunni hans Siggu Beinteins...
Ég sé það eiginlega núna að ég hef alla burði til að verða fyrirmyndaríbúi á Eggertsgötunni..ég hef svo mikla social reynslu :) kippi mér ekki upp við neitt eftir að hafa deilt ísskáp m verðandi lögreglumanni úr Grindavík....eða næstum ekki neitt!!!

2004-08-23T16:04:00.000Z

I lie in my bed, totally still, my eyes wide open, I´m in love again....

Ég er örugglega búin að lesa 10 blogg í dag sem byrja á orðunum "og nú er menningarnótt að baki" greinilegt að það fóru margir og gerðu e-ð...enda fullt fullt fullt af fólki í bænum!! og ég einmitt ein af þeim ;)
Lou Reed var á föstudaginn og ég og Hulda vorum alveg á síðasta snúning, náðum ekki nema hálftíma af tónleikunum. Það var nú samt gaman að sjá hann, stundvísi virðist ekki ætla að verða mín besta hlið (það sannast alltaf betur & betur..) en ég hef mér það til málsbóta að ég var ALVEG viss um að það myndi e-r hita upp :/ mér til mikillar ánægju missti ég samt ekki af lögum eins og Waiting for my man því það var bara ekki einusinni spilað... en jújú rokkprik fyrir Lou Reed ég bý að þessari reynslu alla mína ævi :)

Fr Halla hélt svo upp á ammælið sitt á laugardaginn..með pompi og prakt!! Æðislegur kjúklingaréttur, allskyns víntegundir í fallegum kristalsglösum, háhælaðir skór smullu í gólfið (m einstaka fótataki frá kínaskóm og gulum og rauðum strigaskóm) og húsið var fullt af pæjum sem allar ætluðu á menningarnótt. Forláta húsbíll ferjaði okkur svo í höfuðborgina, eftir að sumir höfðu tappað af rauðvínskút í líterskókflösku og við sungum alla leiðina, trallala...eins og glöggir lesendur sjá þá er ég sífellt að sætta mig betur við þá hlið á sjálfri mér sem syngur hástöfum þegar hún heyrir e-ð sniðugt lag ;)

Ég, Hulda og Auður tókum strikið beint á 22 þar sem við dönsuðum af okkur rassinn og höfðum ofsalega gaman...alltaf þegar e-r stakk upp á að fara e-ð annað þá heyrðist í mér eða Huldu "OOhh nei, heyriru lagið, við getum ekki farið núna!!" Og svo dönsuðum við og dönsuðum! Semígæran Íris lét sjá sig og svo hitti ég líka hana elsku Elsu mína. Hitt afmælisfólkið fór í Þjóðleikhúskjallarann og skemmti sér að sögn mjög vel...Soffía elskan hitti okkur svo og við (eða sko þær sem stauluðust ekki heim fyrir allar aldir!!) hófum för okkar niður Laugaveginn. Eftir dramatískt stopp á 11unni, þar sem mikið var í húfi og mikla leigubílaröð valt ég svo upp í rúm til Soffíu rúmlega hálfátta, í öllum fötunum m bláan maskara og svaf vært þangað til sólin potaði í mig á hádegi nokkrum klukkustundum síðar...Það voru því ansi beyglaðar og úfnar stúlkur sem fóru á KFC í gær. Ein blá kringum augun, hás af miklum söng og svoldið völt, hin úfin og haltrandi eftir extreme pissustopp kvöldið áður ;)

definetly a night to remember...

2004-08-20T14:23:00.000Z

Loksins frjáls!!!!!!!!!!!!!!

Fór í prófið í gær í stjórnmálaheimspeki, gæti ekki verið meira glöð að vera búin með það jibbí!!!!!!!!!! ;) Það var allur vindur úr mér samt eftir þessi ósköp, ég reyndi að hitta Fanný, Önnu og Gabríellu í smáralindinni en ég hugsa að ég hafi verið alveg eins og draugur... Og ekki spyrja mig hvernig fór því það kemur bara í ljós seinna!!
Ég sit hérna og iða í skinninu, ég hlakka svo til að fara á Lou Reed í kvöld :) það verður alveg æðislegt held ég bara. Tilhugsunin um að heyra lög eins og Vicious, víííííííí ég fæ gæsahúð! Sérstaklega þar sem ég hef búið við tónlistarsvelti undanfarna daga... Fékk smá sjokk áðan þegar ég var að hugsa hvar miðinn minn væri en svo mundi ég það að Hulda er með hann...hehehe þegar ég og Íris fórum á pixies þá gleymdi ég miðanum og þurfti að snúa við...mikið drama og mikið fjör svona eftirá að hyggja ;)
Annars var ég að lesa það að Prodigy ætluðu að koma hingað í 5.skipti held ég í október frekar en nóvember...ég fór nú einusinni þegar ég var bara lítil stelpa og það var ROSALEGT!!! þvílík upplifun fyrir litla gelgju að fara. Ég ætla að hugsa um það að fara aftur, hver veit...

afmælisbarn dagsins er hún Halla sem er að nálgast það hægt og bítandi að verða þrítug!!!!! Til hamingju m ammælið í dag elskan mín ;) ssssmuuuack frá mér til þín!...

2004-08-13T16:55:00.000Z

Ömurlegur húmor!!!

Rétt upp hend sem finnst fyndið "Ég þarf ekki að hözla þegar ég get nauðgað!" Ekki mér allavega!!!!! Þeir hálvitar sem eru responsible fyrir svona ömurlegu gríni gefið sig vinsamlegast fram við mig og ég get sko nauðgað þeim sjálf m hrífuskafti!!...fann þetta "skemmtilega" komment þegar ég var að vafra um netið ( í vinnunni of course) og skoða myndir og ýmislegt frá Þjóðhátíð. Það er ekki skrýtið að fólki sé nauðgað þarna ef viðhorfið er svona, urrrr!!

Sé fyrir mér svona hóp af gaurum sem aldrei hafa fengið að ríða flissa að þessu þar sem foringi hópsins leggur fram stórsniðugt komment um leið og hann fær sér sopa af flata Faxe bjórnum sínum..."Hey, var að fatta eitt mar! Þarf ekki að hözla þegar ég get nauðgað, fattiði??" "Hehehehehehe" heyrist í hópnum sem ákveður svo að afla sér frekari "vinsælda" með því að deila þessu m fleirum..

Eða hvað?? Er ég of svartsýn að halda að fólk taki svona ekki sem gríni...ef grín má kalla, mér finnst þetta allavega ekki neitt sérstaklega fyndið!! Ég held frekar að þetta sé vaxandi vandamál... Það var einmitt viðtal við e-a mömmu útí bæ fyrir verslunarmannahelgina sem hafði voða miklar áhyggjur af 17 ára gömlum syni sínum sem var að fara til Eyja í fyrsta skipti. Áhyggjurnar beindust samt ekki beint að honum, heldur frekar því að hún var hrædd um að hann gæti nauðgað þarna!!!!!! Hvað segir það manni ef mæður eru að koma fram m svona áhyggjur??? ...

Þetta hlýtur nú samt að vera ákjósanlegur kostur fyrir þessi sick ógeð sem gera þetta..ég meina það eru alltaf 50% líkur á að fórnarlambið kæri ekki og ef það gerist þá geturu bara fengið þér visa rað og borgað niður miskabæturnar því þær eru nú sjaldnast það háar. Nú ef þú lendir svo í fangelsi þá er það fín hvíld frá amstri dagsins, ferð bara í ræktina og hefur svo tölvu og sjónvarp útaf fyrir þig á Hrauninu... + það að vistin yrði aldrei lengri en svona, jahh, 2 mánuðir til hálft ár!!!!!

2004-08-11T16:23:00.000Z

...I´m gonna play with the braids that u came here with tonight...

Þoli ekki þegar ég fæ lög á heilann!! Annaðhvort er það heilt lag, ein lína eða stef og það hljómar í hausnum á mér allan daginn þangað til ég verð geðveik!!!! Ekkert slæmt lag samt, mig langar bara svo að hlusta á það en verð að bíða í 2 og 1/2 tíma til þess, djöfull!
Ástandið gæti samt verið verra. Ég gæti verið með e-ð ömurlegt á heilanum...gef ykkur nokkur dæmi:
a) jæjabbbæbæbæbæ...
b) ó litla diskódís... (hahaha Anna þú hlýtur að muna eftir því ;))
c) hann heitir Árni og segir dojjojojojong hann er úr járni...

Já, ég hef lent í því að syngja þessi lög (og mörg fleiri) í tíma og ótíma í huganum...ofsalega pirrandi..

En svona til tilbreytingar þá ætla ég að endurvekja tónlistargetraunina mína og ath hverjir vita hvaða lag þetta er sem ég er m á heilanum ????

2004-08-10T15:44:00.000Z

Hannes Hólmsteinn er fíbl!!

Hvernig datt honum í hug að fella mig í fyrra?? grrrrrr, ég er búin að reyna að læra fyrir helv prófið en það gengur alveg ofsalega illa!!!! Stjórnmálaheimspeki + 25 stiga hiti passar bara ekki saman!! belive me... en ég hef ennþá 9 daga þangað til prófið verður svo ég vona bara að það verði stormur alla helgina svo ég geti lært þá :)

Fékk í gær fyrsta reikninginn minn f húsaleigu í nýju fínu og fallegu íbúðinni minni...var í fyrsta skipti ánægð að sjá gluggapóst :) ég get ekki beðið eftir að flytja það verður svo gaman. Ég á reyndar EKKERT þannig að ég auglýsi hér með eftir alls konar dóti. Ekki henda neinu nema tala við mig!!!!! ekki einusinni einum ostaskera!

2004-08-05T11:49:00.000Z

Tekin á 114 km hraða og SLEPPT!!!

Já lögreglukerfið hér á landi hlýtur að vera spillt, ég var samt mjög fegin þar sem ég sat og beið dómsins..fékk bara skammir í staðinn og fékk svo að halda áfram heim á leið, gott mál :) Og ekki misskilja mig, ég lék enga heimska stelpu sem "fattaði ekki" hvað hún keyrði hratt..mér var bara einfaldlega sleppt!!! Fínir kallar svona löggur, hahahaha..

Annars var Verslunarmannahelgin frekar fjölbreytt hjá mér. Einkenndist af mikilli gleði og sorg. Afi var jarðaður á laugardaginn og mig langar að segja takk við ykkur öll sem hafið verið svo góð við mig :) elsku vinir mínir, hvar væri ég án ykkar!!!! Afi var sjálfur búinn að ákveða jarðaförina sína þannig að hún var öll í hans anda, kórinn söng Maístjörnuna og Internasjónalinn og ég hágrét áður en ég var komin inn í kirkjuna og svo næstum alla athöfnina, úff! Reyndar tókst prestinum að mismæla sig einu sinni og segja Snorri Sigfússon í staðinn fyrir Sigfinnsson en ég er svona að taka hann í sátt núna..við erum jú öll mannleg, er það ekki??

Ég fór síðan á síðbúinn Innipúka m Önnu, Fanný og fl en tókst samt að halda mig frá því að endurtaka leikinn síðan í fyrra ;) kannski af því við fórum svo seint...það var gaman samt, sáum allavega Trabant!

Og nú er bara alveg að koma helgi aftur, ótrúlegt en satt ;)
Mig langar að gera e-ð sniðugt...

2004-07-29T17:57:00.000Z

Komin aftur eftir smá hlé...

Veit ekki alveg hvað skal segja..
Afi Snorri fékk hvíldina sína síðasta sunnudag og þetta er búin að vera frekar erfið vika... ma & pa komu ekki heim fyrr en í gær þannig að ég og Snorri vorum bara hjá ömmu. Hún er búin að vera alveg eins og hetja í þessu öllu, svo ofboðslega sterk. Kistulagningin var á þriðjudaginn og svo verður jarðaförin á laugardag... skrýtið hvað lífið er fljótt að breytast

2004-07-16T17:39:00.000Z

Voulez vous couchez avec moi, ce soir??

Djöfull get ég roðnað og blánað í framan þegar ég geri mig að fíbli!! ég þoli það ekki!!!! Í tilefni þess mun ég skrifa þessa færslu með eldrauðu!!!!
Sökum starfs míns hérna í upplýsingamiðstöðinni þá verð ég stundum að beita gífurlegri tungumálakunnáttu minni og tala þá tungum á meðan ég reyni að útskýra e-ð fyrir þessum blessuðu túristum...hmmmm og lenti í því í dag! ohhhh, það kom fólk sem skildi bara ekkert í ensku..sama hvað ég reyndi (og franska er síðasta úrræði) þannig að ég fór að reyna að tala við þau. Það gekk nú alveg ágætlega nema hvað að það voru fleiri að bíða og hlusta þannig að ég byrjaði svona aðeins að roðna (franskan mín er ekkert voða flott, ég get miklu frekar hlustað og skilið og svarað á ensku) og á endanum var það ekki Gyða sem afgreiddi franska fólkið, heldur eldhnötturinn Rouge sem spúði eldi og brennisteini...og til að toppa það allt saman þá er ég líka í rauðum bol......klakadrottning hvað, ég er svoooo blóðheit í dag ;)

Er samt alveg að verða búin að vinna...þá get ég farið heim og skvett framan í mig vatni!!!! það veitir víst ekki af!!!

2004-07-13T17:32:00.000Z

Ég gróf upp vísur Vatnsenda Rósu í bókinni Skáld-Rósa, eftir Rósu B. Blöndals og hef þær hér orðrétt eftir...svona fyrir þig Anna mín ;)

Annars er þetta stórmerkileg kona og bók, las allt sem ég fann um hana í fyrra..kostur að vinna hérna á bókasafninu...
eins og svo margar aðrar konur var hún yfirgefin og svikin af manninum sem hún elskaði, hann giftist annarri! Eftir það giftist Rósa sjálf manni sem ég hét Páll og eignaðis m honum fullt af börnum. Hún gat samt aldrei gleymt hinum og orti því þessar vísur til hans...

Augun mín og augun þín,
ó! þá fögru steina.
Mitt er þitt og þitt er mitt,
þú veist hvað ég meina.

Langt er síðan sá ég hann
sannlega fríður var hann.
Allt hvað prýða má einn mann
mest af lýðum bar hann.

Trega ég þig manna mest
mædd af táraflóði.
Ó að við hefðum aldrei sést
elsku vinurinn góði.

Þannig að núna er hægt að æfa sig og syngja þetta án þess að humma helminginn af laginu, hehehehe ;)

2004-07-12T17:01:00.000Z

Ótrúlega er allt stundum skemmtilegt :)

Ég er búin að eiga svo góðar stundir undanfarið, veit varla hvar ég á að byrja..
Placebo voru ótrúlegir!! Frábærir tónleikar og mjög gott lagaval hjá þeim, ég er enn að hugsa um Brian Molko á sviðinu í svarta bolnum, grrrrrr...

Svo pakkaði ég í tösku og keyrði norður á Akureyri með henni Soffíu, roadtrip dauðans! gott að við vorum bara einar í bílnum, hvílíkur og annar eins ósómi hefði nú ekki liðist hjá hverjum sem er ;)
Soffía fær 10 rokkprik fyrir að sýna á sér nýjar og villtar hliðar á leiðinni heim, heheheheehe...já og gallarnir eru í vinnslu elskan mín ;)

Á Akureyri hitti ég svo ástkæra Önnu mína sem var búin að skipuleggja heljar útilegu, þar var útileguandinn svo sannarlega við völd!! Ég hitti fullt af nýju og skemmtilegu fólki og er endanlega sannfærð um að vinkona mín sé nú bara í góðum höndum þarna hinumegin á landinu :) ég kynntist m.a. ungri stúlku sem ætlar að halda skilnaðarpartí, a guy who wears a THONG, miklum megasaraðdáanda, manni sem spilar bridds og gengur undir ýmsum dulnefnum og tveimur stelpum sem skutu skjólshúsi yfir íbúa rauða tjaldsins á meðan rigndi í útilegunni :)
Bjórinn okkar framleiddi mikið af súrum húmor sem fékk að njóta sín og upp spratt allskyns vitleysa og bull sem við hlógum OFBOÐSLEGA mikið af!!! Skvísurnar höfðu aðsetur í OG VODAFONE tjaldi (sem ég get mælt með..það er samt erfitt að skipta um föt þar, best að sleppa því bara) og við sungum og sungum og sungum undir öruggu undirspili hins magnaða HEMILS (sem hét ekki Emil, heldur Danni en ekki Gunni eins og sumir héldu,hehehe), en honum tókst á undraverðan hátt að spila næstum allt sem við báðum um...

Ein besta útilega sem ég hef farið í í langan tíma :)
...það var þessvegna svoldið erfitt að keyra aftur heim, fer vonandi bara aftur við fyrsta tækifæri..

2004-07-07T10:23:00.000Z

Það er komið að því..

Placebo í kvöld og ég er ótrúlega spennt :)
Vona að þeir standist væntingar því ég hef heyrt að Metallica hafi ekki gert það! En það má nú örugglega deila um það eins og allt annað...fúlt samt að kaupa miða á tónleika sem maður er svo ekki ánægður með...

Þó ég hafi samt engan áhuga á Metallica þá væri ég alveg til í að sjá myndina þeirra, vælandi rokkstjörnur af umfjöllun að dæma, hehehehehe Ætli það sé gott eða vont fyrir ímyndina að opna sig svona, hmmmm?

Ég er samt mikið búin að pæla í því sem ég sá í e-u blaði, mynd af Metallica í bláa lóninu og Finnur (sem lék í BLOSSA) að gefa þeim að drekka....fékk hann að vera þarna af því hann er svo töff og með svo mörg tattú, eða starfar hann kannski við það að taka á móti frægu fólki á Íslandi???? Ég hef nebblega oft séð hann áður í tengslum við svona e-ð ...en kannski er það bara þannig að þegar e-r frægur kemur hingað þá er hóað í alla töff fulltrúa íslensku þjóðarinnar sem fá svo að umgangast stjörnunar??

Standardinn fyrir "töff" mætti þá alveg breytast e-ð....

2004-07-05T15:09:00.000Z

Rómantík á Flúðum....

Helgin fór eins og mér datt í hug...bæði betra, útilega og verslunarferð :)
Það var rosa gaman líka, eiginlega betra en ég þorði að vona. Reyndar gat ég bara stoppað í rvk í stuttan tíma en ég náði að gera allt sem þurfti að gera..nema hitta fólk; þið hafið mig afsakaða fyrir það :)
Ég, Soffía, Auður og Baldvin brunuðum svo á Flúðir þar sem fullt af fólki var samankomið í útilegu. Fyrst ætlaði ég nú bara að vera edrú og keyra svo heim en það var bara miklu skemmtilegra en ég hélt. Vorum bara útaf fyrir okkur og höfðum gaman þrátt fyrir að vera stödd í mikilli hjónaferð! það voru bókstaflega allir saman þarna nema ég og Soffía!!!! Við létum það nú samt ekki á okkur fá, sátum bara í skottinu á avensisnum hennar Sossu, drukkum bjór og hvítvín og hlógum dátt...jamm og fórum á Útlagann. Ekkert tómatsósupartý samt; en fögur fyrirheit frá manni sem við hittum um að gera okkur frægar, hahahah hahahaha ég sagði honum að Soffía hefði farið í prufu fyrir Nylon :) og að við værum að reyna að fá að spila á þjóðhátíð sem dúettinn Von... og hann ætlaði bara að redda því öllu saman. Var með svo mikil sambönd, Soffía var næstum dáin úr hlátri þegar hann sagði "Já stelpur, þetta er harður bransi en ég get hjálpað ykkur! Frændi minn er nebblega trommarinn í Buttercup!!" (mikil hláturbakföll og fliss)
Svo bara stungum við af út í nóttina og .....

Hef samt sjaldan verið eins þunn og skapvond og í gær..úfffffffff
held ég sé enn að líða fyrir það í dag...en batnandi mönnum er best að lifa og ég er að reyna að hafa hemil á mér hérna í vinnunni..það getur samt verið erfitt stundum :)

Auður, vona að þú hafir slammað mikið á tónleikunum í gær, heheheheheeh